2 ŴaKaronga 24:4 - Tonga Bible 1986

⁴ ndipo so pa chifukwa cha ndopa zambura mlando, paku vyo Ambuya kuti angukhumba kugowoke cha.

2 ŴaKaronga 24:4 ပူးပေါင်းရင်းမြစ်များ

2 ŴaKaronga 21:11

“Chifukwa Manase karonga waku Yuda wachita maunyakazi ghose yagha, ndipo wachita uheni ukuru ukongwa kuruskako wo Amori ŵakuchita, weniwo wengapo paurongo pake, ndipo wachitiska ŵaYuda kuti ŵalakwe ndi ŵangoza ŵake,

2 ŴaKaronga 21:16

Ndipo so Manase wangudiska ndopa zinandi zambura kafukwa mpaka zinguzaza Yerusalemu kwamba ku chisongo ichi mpaka kuchisongo chiya, pamoza ndi ulakwi wo wangulakwiska nawo Yuda viyo kuti wanguchita uheni mu maso gha Ambuya.

2 ŴaKaronga 23:26

Ndipuuli Ambuya ŵengavi kutuwako mbwenu ku ufyu wa ukari wawo ukuru weniwo angukaraliya paku Yuda chifukwa cha kukaripiskika kose ko Manase wanguŵakaripiska nako.

2 ŴaKaronga 24:5

Sono machitidu ghanyake ghaku Yehoyakimu, ndi vyose vyo wanguchita, ehe vikulembeka mu Buku la Machitidu gha ŵakaronga ŵaku Yuda?

Sumu 106:38

Ŵangudiska ndopa zambura kafukwa, ndopa za ŵana ŵawo ŵanthurumi ndi ŵanthukazi, kuŵa sembe ku ŵangoza ŵaku Kanani; viyo charu chingukazuzgika ndi ndopa.

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,

Yeremiya 15:4

Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 2:34

Ndipo so pa viketi vinu pasanirika ndopa za ŵanthu ŵakavu ndi ŵakuchita umampha; mulivi kuŵasaniya ŵachiswa nyumba. Kweni ivi vyose vichiŵa viyo,

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yeremiya 32:31

Msumba uwu wayuska kukwiya kwangu ndi ukari, kwamba pa zuŵa lenilo unguzengeke mpaka ku zuŵa lino, sono ndikawutuzgangako ku maso ghangu,

Chitenje 3:42

“Talengeska ndi tagaruka, kweni mulivi kugowoke.

Ezekiele 22:3

Unene kuti, Viyo atiti Ambuya Chiuta: Muzi wo udiska ndopa mukati mwake, nyengo yake yikazanga, wo uchita ŵangoza kujifipiska nawo!

Ezekiele 24:6

“Chifukwa cho atiti Ambuya Chiuta: Soka lo msumba wa ndopa, ku mumphika wo wachita uloso, weniwo uloso wake kuti waturiya kubwalo cha! Tuzganimo thuŵi ndi thuŵi, kwambura kusankha cha.

Ezekiele 24:8

Kuyuska ukari wangu, kuwezge thayu, ndopa zo wangudiska ndazinika pa jarawi, mwakuti zireke kuwundika.

Ezekiele 33:25

Chifukwa cho uŵanene kuti, Viyo atiti Ambuya Chiuta: Muturgha nyama ndi ndopa, ndipo muyinuskiya maso ghinu ku ŵangoza, ndi kudiska ndopa, kumbi mungahara charu viyo?

Maŵerengedu 35:33

Viyo mureke kukazuzga charu cho mujamo; pakuti ndopa zikazuzga charu, ndipo palivi thumba lo lingaziŵa kuwombo charu pa chifukwa cha ndopa zo zidikamo, kweni ndi ndopa zakumweniyo pe wanguzidira.

Marangu 19:10

Wapatuwa misumba yo, vinu ndopa zambura kalema zingadika mu charu chinu chenicho Ambuya Chiuta winu watukupaskani kuŵa chihara mwakuti kususkika chifukwa cha ndopa kungaŵa paku imwe.

Marangu 29:19

Ndipo mweniyo wachivwa mazu gha phanganu ili lakurapa, wajitumbika mu mtima wake, kuti, ‘Ndikaŵanga umamphavi, chingana nde wamtafu.’ Penipo kuzumbwa ndikukamuka kukatuzgikangapo kwakuyana.