2 ŴaKaronga 24:2 - Tonga Bible 1986

² Ndipo Ambuya angutuma maŵanja gha ŵaKaldiya ŵaSiriya, ŵaMoabu ndi maŵanja gha ŵa Amoni ghanguza kurwana ndi Yuda kuwupasuwa. Kwakuyana ndi mazu gha Ambuya gho angurongolole mu ŵateŵeti ŵawo ŵamchimi.

2 ŴaKaronga 24:2 ပူးပေါင်းရင်းမြစ်များ

2 ŴaKaronga 20:17

‘Ehe, mazuŵa ghakazanga, penipo vyose vyo vye mu nyumba yako, ndi vyose vyo ausu ŵangulonga kufika msana wale, vyazamuyoreke ku Babiloni; palivi ko kakasiyikanga,’ atiti Ambuya.

2 ŴaKaronga 22:16

Viyo atiti Ambuya, Awona, ndikatolenga chiheni pa malo yagha ndipa ŵakujamo ŵake, mazu ghose gha buku ili gho karonga waku Yuda waŵerenga.

2 ŴaKaronga 23:27

Viyo Ambuya anguti, “Ndikamutuzgangapo Yuda nayo sopa, maso ghangu, uli ndimo ndamutuzgiyapo Yisraele, ndipo ndikawutayanga msumba uwu Yerusalemu, wo ndingusankha, ndi nyumba iyi paku yo ine ndinguti, zina langu likajanga mwenimuwa.”

2 ŴaKaronga 6:23

Viyo wanguŵarongosole dghera likuru; ndipo ŵanguti ŵargha ndi kumwa wanguŵatuma ŵarutenge, ndipo ŵanguruta ku mbuyawo. Ndipo ŵaSiriya kuti wanguza so ku chivwamba mu charu chaku Yisraele cha.

2 Mikoka 33:11

Ndipo Ambuya pa chifukwa ichi, anguŵaziya ndi ŵachirongozgi ŵankhondo ŵa karonga wa Asiriya, ŵangumuko Manase ndi kumumanga ndi maunyoro, wanguruta nayo ku Babiloni.

Jobu 1:17

Weche kukamba, kunguza munyake yo wanguti, “ŴaKaldiya ŵagaŵikana mipingu yitatu ŵawiya chivwamba pa ŵagamila ndi kuŵato ndi kuŵabaya ŵaliska ndi lipanga, ndipo ine ndija ndine ndapozomoka kuzachikunene.”

Yesaya 13:5

Watuwa ku charu cha kutali, ku umari wa machanya, Ambuya ndi vidya ukari wawo, kuchiparghang'a charu chose chapasi.

Yesaya 28:19

Nyengo zose lichiporotapo likamutoninga; pakuti mlenji ndi mlenji, likaporotangapo, msana ndi usiku; ndipo chikaŵanga chofyu chiduru kuwamo uthenga wo.

Yesaya 7:17

Ambuya akatolenga paku iwe ndi pa ŵanthu ŵako ndi pa nyumba ya ausu mazuŵa ghakuti ghalivi kuzapo kale kwamba penipo Efraimu wangutuliyako kwaku Yuda pa kuza ndi karonga wa Asiriya.”

Yeremiya 12:9

Ŵanthu ŵangu ŵandiŵiya uli nchiyuni chakuŵaraŵata chakuko vinyake? Viyuni vyakuko vinyake vituŵatinkha kwakuzunguliya kose kose? Rutani, danani nyama zose zamu dondo ziungane; muze nazo kuzachiparuwa.

Yeremiya 25:1

Mazu gho ghanguza kwaku Yeremiya gha pa ŵanthu wose ŵaYuda, mu chirimika cha chinayi chaku Yehoyakimu mwana waku Josiya karonga waku Yuda (cho chenga chirimika chakudanga chaku Nebukadanezara karonga wa Babiloni),

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 26:20

Munthu munyake wanguchimiya mu zina la Ambuya, Uriya mwana waku Shemaya waku Kiriata-jearimi. Wanguchimiya pa msumba uwu ndi charu ichi mu mazu ghakukozgana ndi ghaku Yeremiya.

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

Yeremiya 32:28

Chifukwa cho, Ambuya atiti: Ehe, ndipaska msumba uwu mu manja gha ŵaKaldiya ndi mu janja laku Nebukadanezara karonga wa Babiloni, ndipo wakautonga.

Yeremiya 35:11

Kweni penipo Nebukadanezara karonga waku Babiloni wanguza kuzachirwa ndi charu ichi, tinguti, ‘Tiyeni tirutenge ku Yerusalemu pakopa wumba wankhondo wa ŵaKaldiya ndi nkhondo yaŵa Siriya.’ Viyo tija mu Yerusalemu.”

Yeremiya 52:28

Uwu mbunandi wa ŵanthu wo Nebukadanezara wanguruta nawo mu umkoli: mu chirimika cha vinkhonde ndi viŵi ŵaYuda vikwi vitatu ndi machumi ghaŵi pachanya ŵatatu (3,023);

Chitenje 1:17

Zioni watambaluwa manja ghake, kweni palivi nanga njumoza wakumusangaruska; Ambuya alanguriya paku Yakobe, kuti ŵakuzengezgana nayo ŵaŵe ŵarwani ŵake; Yerusalemu wasanduka chinthu cha ukazuzi mukati mwawo.

Ezekiele 19:8

Sono mitundu yinguyithyiya viŵana kosekose; ŵanguyizinga ndi mkwawu; yingukoreka mu mbuna yawo.

Ezekiele 23:23

ŵaBabiloni ndi wose ŵaKaldiya, Pekodo, Shoa, ndi Koa, ndi wose Asiriya pamoza mawo, ŵanyamata ŵakukhumbikwa, ŵeruzgi ndi wose ŵarongozgi ŵankhondo, zinduna ndi zingwazi wose ŵakukwera pa ŵakavalo.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Habakuku 1:6

Chifukwa wonani; ndiyuska ŵaKaldiya, mtundu ukari ndi upusu, wo wendenge mu usani wa charu, kwachironda malo ghakujamo gho kuti ngawo cha;