2 ŴaKaronga 23:2 - Tonga Bible 1986

² Ndipo karonga wangukwere ku nyumba ya Ambuya, ndipo pamoza nayo ŵanthu wose ŵaku Yuda ndi wose ŵakuja mu Yerusalemu, ŵazukuru ndi ŵamchimi, ŵanthu wose, ŵamana ndi ŵara; ndipo ŵanguvwa kuŵerenga kwa mazu ghose gha buku laphanganu lo lingusanirika mu nyumba ya Ambuya.

2 ŴaKaronga 23:2 ပူးပေါင်းရင်းမြစ်များ

Chiyambo 19:11

Ndipo ŵanguŵapuma ndi uchiburumutiya ŵa ŵanthu ŵenga pa khomo la nyumba, wose ŵanamana ndi ŵaraŵara, mwakuti ŵangujivuska kupenjapenja khomo.

1 ŴaKaronga 8:9

Mubokosi la phanganu mwengayi kanthu kweni magome ghaŵi gha mya gho wanguŵikamo Mosese pa Horebi, pa malo ghenigho Ambuya anguchita phanganu ndi khamu laku Yisraele, ŵanguti ŵatuwa mu charu cha Egipiti.

2 ŴaKaronga 22:8

Ndipo Hilkiya mzukuru mura yo wanguti kwaku Shafani mlembi, “Ndasaniya buku la dangu mu nyumba ya Ambuya.” Hilkiya wangupaska buku lo kwaku Shafani, wanguliŵerenga.

2 Mikoka 15:13

ndipo so kuti yose yo warekenge kupenja Ambuya Chiuta waku Yisraele wabayike, chingana wangaŵa mwana pamwenga mura, pamwengamunthurumi pamwenga munthukazi.

2 Mikoka 17:9

Ndipo ŵangusambizga kwaku Yuda, ŵenga ndi buku la marangu gha Ambuya, ŵangwendendeka mu misumba yose yaku Yuda kusambizga ŵanthu.

Nehemiya 13:1

Pa zuŵa leniliya ŵanguŵerenga mu buku laku Mosese ŵanthu ŵavwanga ndipo mwaku lo mungusanirika kuti paulevi mwina Amoni pamwenga mwina Moabu wakaserenga nanga nkhamoza mu unganu waku Chiuta;

Nehemiya 9:3

Ndipo ŵanguma mu malo ghawo ndi ŵanguŵerenga mu buku la dangu la Ambuya Chiuta wawo chigaŵa chimoza cha vinayi pa zuŵa; pa chigaŵa chinyake cha vinayi vyo ŵanguzomera ndi kusopa Ambuya Chiuta wawo.

Estere 1:5

Ghanguti ghamara mazuŵa gho, karonga wanguchitiya ŵanthu wose wo ŵenga mu Susa ŵara ndi ŵamana, dghera mazuŵa ghankhonde ndi ghaŵi, mu luluwa la munda wamaluŵa waku nyumba ya karonga.

Jobu 3:19

Ŵamana ndi ŵara ŵe kweniko, ndipo muŵanda ngwakufwatulika, ku mbuyake.

Sumu 115:13

atumbikenge wose akopa Ambuya, ŵamana ndi ŵara kwakukozgana.

Yeremiya 34:8

Mazu ghenigho ghanguza kwaku Yeremiya kutuwa ku Ambuya, pavuli Karonga Zedekiya wati wachita phanganu ndi ŵanthu wose mu Yerusalemu kuchita mumemezu wa wanangwa kwaku wo,

Machitidu gha Ŵakutumika 26:22

Viyo ndati ndaronde chovyu chakutuliya kwaku Chiuta, ndamiya mpaka zuŵa lino kwachisimikizgiya mumana ndi mura, wakukamba ka pade cha paku vyenivyo ŵamchimi ndi Mosese ŵangukamba kuti vikazanga,

Marangu 31:26

“Toni buku ili la dangu ndi muliŵike pafupi ndi bokosi la phanganu la Ambuya Chiuta winu, alinga kuti lijenge penipo kuŵa ukaboni paku imwe.

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

1 Samuele 30:2

ŵanguto umkoli ŵanthukazi ndi wose wo ŵengamo, ŵamana ndi ŵara; kuti wangubayapo yumoza cha. Kweni wanguŵato wose, ŵanguruta mu nthowa yawo.

1 Samuele 5:9

Kweni wanguti ŵalitore kuwa, janja la Ambuya lingumikana ndi msumba uwa, kuŵapaska suzgu yikuru ukongwa anguŵasuzga ŵanthu ŵamu msumba, wose ŵamana ndi ŵara, ndi nthenda ya vitupatupa.