2 ŴaKaronga 22:10 - Tonga Bible 1986

¹⁰ Sono Shafani mlembi wangunene karonga, “Hilkiya mzukuru wandipaska buku.” Shafani wanguliŵerenga paurongo pa karonga.

2 ŴaKaronga 22:10 ပူးပေါင်းရင်းမြစ်များ

2 ŴaKaronga 22:11

Ndipo penipo karonga wanguvwa mazu gha buku la dangu, wanguparuwa vivwalo vyake.

2 ŴaKaronga 22:9

Ndipo Shafani wanguza ku karonga, wangunene karonga, “Ŵateŵeti ŵinu ŵamara zose ndrama zo zingusanirika mu nyumba, ndipo ŵazipaska mu janja la ŵanchito wo ŵaphwere nyumba ya Ambuya.”

2 Mikoka 34:18

Ndipo Shafani mlembi wangunene karonga kuti, “Hilikiya mzukuru wandipaska buku.” Ndipo Shafani wanguliŵerenga pa maso pa karonga.

Nehemiya 13:1

Pa zuŵa leniliya ŵanguŵerenga mu buku laku Mosese ŵanthu ŵavwanga ndipo mwaku lo mungusanirika kuti paulevi mwina Amoni pamwenga mwina Moabu wakaserenga nanga nkhamoza mu unganu waku Chiuta;

Nehemiya 8:18

Ndipo zuŵa ndi zuŵa kwamba pa zuŵa lakudanga mpaka ku zuŵa lakumariya, ŵanguŵerenga mu buku la dangu laku Chiuta, ŵangusunga dghera mazuŵa ghankhonde ndi ghaŵi: ndipo pazuŵa la chinkhonde ndi chitatu penga unganu wakutemeka, kwakulingana ndilangulu.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yeremiya 13:18

Kamba ku karonga ndi fumukazi nyina: “Jani pa mpando wakujiyuyuwa, pakuti chisoti chinu cha ufumu chatuwako ku mutu winu.”

Yeremiya 36:13

Ndipo Mikaya wanguŵanene mazu ghose gho wanguvwa pa Baruki waŵerenganga mu buku lakuzinga mu makutu gha ŵanthu.

Yeremiya 36:15

Ndipo wanguti kwaku iyo, “Ja pasi uŵerenge.,” Viyo Baruki wanguŵaŵerenge.

Yeremiya 36:21

Sono karonga wangutuma Yehudi kwachito buku lo, ndipo wangulisaniya mu chipinda chaku Elishama mlembi; ndipo Yehudi wanguŵerenge karonga ndi ŵaraŵara wose wo ŵanguma pamoza ndi karonga.

Yeremiya 36:6

viyo urutenge ndiwe, ndipo pa zuŵa laki funga ŵanthu ŵachiwungana mu nyumba ya Ambuya, ukaŵerenge mazu gha Ambuya ghapa pepala gho walemba gho ndakunene. Wakughaŵerenga so ku ŵanthu wose ŵaku Yuda wo ŵatuma mu misumba yawo.