2 ŴaKaronga 2:23 - Tonga Bible 1986

²³ Kutuwa kuwa wangukwere ku Betele; ndipo penipo wenga weche kwenda mu nthowa, ŵahurwa ŵanyake ŵangutuwa mu msumba ndipo ŵangumunyoza, ŵanguti, “Rutanga kweranga wachaphala! Rutanga kweranga, wa chaphala!”

2 ŴaKaronga 2:23 ပူးပေါင်းရင်းမြစ်များ

Chiyambo 21:9

Kweni Sara wanguwona mwana munthurumi waku Hagara muEgipiti yo, mweniyo wangupapiya Abrahamu, waseŵe ndi mwana wake Yisaki.

2 ŴaKaronga 2:11

Ndipo wachirutiriya ndi kurongoro, ehe, gareta la moto ndi ŵakavalo ŵa moto vinu ŵapatuwa yaŵa ŵaŵi ndipo Eliya wangurata kuchanya ndi kavuruvuru.

2 ŴaKaronga 2:2

Ndipo Eliya wanguti kwaku Elisha, “Uje pano nditukupempha, pakuti Ambuya ŵandituma kwachifika ku Betele.” Kweni Elisha wanguti, “Mo ajariya amoyo Ambuya, po iwe uchalipo wamoyo, kuti ndikakujowonga cha.” Viyo ŵanguruta ku Betele.

2 ŴaKaronga 2:22

Viyo maji gha ghanguŵa ghakuchizgika mpaka ku zuŵa lino, kwakuyana ndi mazu gho wangukamba Elisha.

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Jobu 19:18

Nanga mbana ŵamana ŵatindipepuwa, ndichiyuka ŵakamba kumikana nane.

Jobu 30:1

“Kweni sono ŵandiseka, ŵanthu wo mbanamana ndi ine, ŵauskeu ŵaku ŵeniwo mphanyi ndaŵapepuwa, ndi kuŵajarika pamoza ndi ŵagaru mskambu wangu.

Sumu 31:17

Ambuya, ndireke kulengeskeka, pakuti ndidana kwaku imwe; ŵaheni ŵalengeskeke, ŵarutenge chisisi ku muunda,

Sumu 31:18

Milomo ya utesi yichetamiskike, yo yikambiya phuzu pa ŵarunji mu kujikuzga ndi mu kuyeya.

Sumu 35:15

Kweni pakuguŵa kwangu ŵanguwungana kundiseka, ŵanguwungana pamoza kumikana nane; ŵakupunduka ŵeniwo kuti ndinguŵaziŵa cha ŵangundikambiya utesi kwambura kurekezga;

Nthanthi 20:11

Chingana ndi mwanamumana watijiziŵiska ndi nchitu zake, manyi chenicho wachita nchakuphotoka ndi nchakurunjika.

Nthanthi 22:15

Ubereŵeza ukumangika mu mtima wa mwana, kweni ndodo yakuchenjezga yitindidikiskiya kutali ndi iyo.

Nthanthi 22:6

Sambizga mwana mu nthowa yeniyo watenere kwendamo, ndipo pa waŵa mura kuti wapatukengemo cha mwaku yo.

Wakutaula 11:10

Tuzgamo suzgo mu mtima wako, ndipo taya kutali kuŵaŵa mu liŵavu lako; pakuti uhurwa ndi ulitema wa umoyo vyawaka.

Yesaya 1:4

Owe, khamu la kulakwa, ŵanthu ŵakuzazika uchikanamarangu, mphapu ya ŵakuchita uheni, ŵana ŵakuchita vya wiyu. Ŵajowo Ambuya, ŵayuyuwa Mtuŵa yo waku Yisraele, ŵasanduka ŵalendo.

Yesaya 3:5

Ndipo ŵakayuzgananga uyu ndi munyake, munthu yose pa munyake we yose pa mwenasi wake; ŵanyamata wakaŵanga ŵa mwanu ku ŵara, ndi ŵa pasi ku ŵanthu ŵakuzirwa.

Yeremiya 20:7

Ambuya mwe, mwandipusika, ndipo ndingupusikika; mwe ŵakulimba kwakuruska ine, ndipo imwe mwapunda. Ine ndaŵa chakusekeka, zuŵa lose weyose watindiwera.

Yeremiya 20:8

Pakuti penipo pose ndikamba, ndiliya, ndibangula, “Chiwawa ndi phasulu!” Pakuti mazu gha Ambuya ghandiŵiya ine tozu ndi chakusekeka zuŵa lose.

Yeremiya 7:18

Ŵana ŵadeŵa nkhuni, auskeu ŵakozga moto, ndipo ŵanthukazi ŵakantha nthimphwa, kubikiya viŵande fumukazi ya kuchanya; ndipo ŵadira mipasku ya kumwa ku ŵachita ŵanyake, kundisosomole ine kukukaripa.

Hoseya 10:15

Viyo ndimo kuchitikiyenge kwaku imwe, ŵanyumba yaku Yisraele, chifukwa cha uheni winu ukuru. Mu chimphunga karonga wa ŵaYisraele wazamudumulika.

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

ŴaLevi 13:40

“Asani sisi la munthu lametuka pa mutu wake ndipo we ndi phara pa mutu, ngwakutozgeka.

Amosi 3:14

“kuti, pa zuŵa lenilo ndilangenge Yisraele chifukwa cha ulakwi wake, ndilangenge so majochero gha Betele, ndi masengwe gha majochero ghakadumulikanga, ndikuwa pasi.

Amosi 4:4

“Zani ku Betele, muzachilakwa; ndipo ku Gilgala, mwandaniske maulakwi; zani ndi sembe zinu, mlenji we wose, ndi vigaŵa vya chichumi paziŵa le lose la chitatu;

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”

Amosi 7:13

kweni ungachimanga so cha ku Betele chifukwa ndi malo ghakupaturika gha karonga, ndipo ndi kasopi wa ufumu.”

ŴaGalatia 4:29

Kweni nge ndi penipa yo wangupapika kwakulingana ndi liŵavu wangumuŵemba yo wangupapika kwakulingana ndi Mzimu, viyo sono nako.

ŴaHebere 11:36

Ndipo ŵanyake ŵangweseka ndi matozu ndi malikhwechu, nadidi so, ndi magoŵa ndi ulinda.