2 ŴaKaronga 2:14 - Tonga Bible 1986

¹⁴ Sono wanguto chivwalo chaku Eliya cho chingumbotoka kwake, ndi wangupuma maji, wanguti, “Wepani Ambuya Chiuta waku Eliya?” Ndipo wanguti waghapuma maji, ghangupatukana ghanguma uku ndi uku, ndipo Elisha wangwambuka.

2 ŴaKaronga 2:14 ပူးပေါင်းရင်းမြစ်များ

2 ŴaKaronga 2:13

Ndipo wanguto chivwalo chaku Eliya chenicho chingumbotoka kwake, wanguweko ndipo wanguma pa likumba la Yordane.

2 ŴaKaronga 4:29

Iyo wanguti kwaku Gehazi, “Vwara umange mu chiunu, uto ndodo yangu mu janja lako, rutanga. Asani ukumanenge ndi munthu ungamutauzganga cha, asani watukutauzga ungazomera cha; ndipo ukalarike ndodo yangu pachisku cha mwana yo.”

Sumu 115:2

Yitifumbiyengenji mitundu, “Wepani Chiuta winu?”

Sumu 42:10

Kutombozga kwa ŵakupindikana nane; kwenge ndi bala la nyifwa mu liŵavu langu, po ŵakamba nane kwambura kurekezga, wepani, “Chiuta wako?”

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Chituwa 14:22

Ndipo ŵaYisraele ŵangusere mukati mu nyanja pa mtunda uyumu, maji ghanguŵa chimati kwaku wo ku marghe ghawo ndi ku maze ghawo.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yoele 2:17

Pakati pakuserere ndi jochero ŵazukuru, ŵateŵeti ŵa Ambuya ŵaliye, ndi ŵanene kuti, “Ambuya, mungachitanga ŵanthu ŵinu kuŵa ŵakulengeskeka mukati mu mitundu. Chifukwa nchine cho ŵakaneniyanga mukati mu ŵanthu kuti, ‘Chiuta wawo wepani?’ ”

Marko 16:20

Kweni ŵenaŵa ŵangutuwa, ndipo ŵangumemeza kosekose, Ambuya iwo ŵakutataliya pamoza nawo, ndi ŵakukhozga mazu ndi visimikizgu vyakurondo. Ameni.]

Yohane 14:12

“Nadidi ndikuneneskiyani, wakuvwana mwaku ine, nchitu zo ine ndichita, wachitenge iyo nayo; ndipo zikuru zakuzungura izi wakachitanga; chifukwa ine nditiya ku Dada.

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Ŵeruzgi 6:13

Ndipo Gideoni wanguti “Ndipempha, abwana, asani Ambuya ŵe nafwe pamoza, na chifukwa nchine vyatiwiya vyose ivi? Zepani nchitu zawo zose zakuziziswa zo ŵangutinene auskefwe, kuti, ‘Asi mba Mbuya wo angutitole kuno kutuwa ku Egipiti?’ Kweni sono Ambuya atitaya kuwa, ndipo atipereka mu janja laku Midiyani.”