2 ŴaKaronga 2:1 - Tonga Bible 1986

¹ Sono penipo Ambuya ŵenga pafupi kumutole Eliya kuchanya mu kavuruvuru, Eliya ndi Elisha ŵarutanga kutuwa ku Gilgala.

2 ŴaKaronga 2:1 ပူးပေါင်းရင်းမြစ်များ

Chiyambo 5:24

Enoke wanguti wenda ndi Chiuta, kuti wanguwoneka so cha, chifukwa Chiuta wangumuto.

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

1 ŴaKaronga 19:11

Ndipo wanguti, “Rutanga, ukami pa phiri paurongo pa Ambuya.” Ndipo ehe, Ambuya angudumuwapo, ndipo mphepo yikuru ndi ya nthazi yinguswa mapiri, ndipo yinguswa tumanatumana majarawe paurongo pa Ambuya, kweni Ambuya kuti ŵenga mu mphepo yo cha, pavuli pa mphepo penga chidiririzi, kweni Ambuya kuti ŵenga mu chidiririzi cho cha;

1 ŴaKaronga 19:4

Kweni iyo wangwenda lwendo la zuŵa limoza mu bozwa, wanguza ndi wanguja pasi musina mu kamuti ka mweyo; ndipo wangupempha kuti mphanyi wangufwa, wakuti “Mbwenu kwafiskika sono, Ambuya mwe, toni umoyo wangu; pakuti kuti nde wamamphaku cha kuruska ŵada.”

2 ŴaKaronga 1:18

Sono machitidu ghose ghaku Ahaziya ghenigho wanguchita, kumbi asi ghakulembeka mu Buku la vyakuchitika vya ŵaKaronga ŵaku Yisraele?

2 ŴaKaronga 2:11

Ndipo wachirutiriya ndi kurongoro, ehe, gareta la moto ndi ŵakavalo ŵa moto vinu ŵapatuwa yaŵa ŵaŵi ndipo Eliya wangurata kuchanya ndi kavuruvuru.

2 ŴaKaronga 4:38

Elisha wanguza so ku Gilgala penipo mwenga chilala mu charu. Ndipo penipo ŵana ŵa ŵamchimi ŵanguja pasi paurongo pake wangunena ndi mteŵeti wake, “Ujarikepo nkhali yikuru uŵabikiye kurgha ŵana ŵa ŵamchimi.”

Jobu 38:1

Viyo Ambuya angwamuka Jobu mu kanthenga anguti:

Luka 9:51

Ndipo kunguŵa, ghachiŵandika mazuŵa gha chirondeka chake kuchanya, kuti mwenecho wanguratiska chisku chake kuya ku Yerusalemu, ndipo wangutuma mathenga paurongo pa chisku chake;

Machitidu gha Ŵakutumika 1:9

Ndipo wanguti wakamba mazu yagha, ŵachilereska iwo, wangutoreke kuchanya; ndipo mtambo ungumronde ku maso kwawo.

ŴaHebere 11:5

Ndi chivwanu wangusamiskika Hanoke kuti wareke kuwona nyifwa; ndipo kuti wangusanirika cha, pakuti Chiuta wangumsamiska: chifukwa wenga wandasamiskike, wangusimika kuti wamkondweska Chiuta.

Yoswa 4:19

Ŵanthu ŵanguzuwuka mu Yordane pa zuŵa la chumi la mwezi wakudanga, ndipo ŵangugoŵa pa gilgala ku mphaka yaku vuma ya Yeriko.

Yoswa 5:9

Ndipo Ambuya angunena ndi Yoswa, “Msana wale ndatuzgapo kuwere kwa ŵaEgipiti paku imwe.” Viyo malo ghadanika Gilgala mpaka zuŵa lino.

Chivumbuzi 11:12

Ndipo ŵanguvwa mazu ghakuru kutuwa kuchanya ghakuŵanene, “Kweriyani kuno!” Ndipo ŵangukwere kuchanya mu mtambo, ŵamawongu ŵawo ŵaŵawonanga ŵachikwera.