2 ŴaKaronga 19:4 - Tonga Bible 1986

⁴ Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

2 ŴaKaronga 19:4 ပူးပေါင်းရင်းမြစ်များ

Chiyambo 22:14

Viyo Abrahamu wangudana zina la malo gha, “Ambuya akapaskanga,” uli ndimo kukambikiya mpaka zuŵa lino, “Pa phiri la Ambuya chikapaskikanga.”

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

2 ŴaKaronga 18:13

Mu chirimika cha chumi pachanya vinayi cha karonga Hezekiya Senakaribu karonga wa Asiriya wangukweriyako kuzachirwana ndi misumba yose ya malinga yaku Yuda ndi wanguyipoka.

2 ŴaKaronga 19:16

Tegherezgani gutu linu Ambuya, ndipo vwani, jurani maso ghinu Ambuya ndi onani, avwani mazu ghaku Senakeribu, gho watuma kunyoza Chiuta wamoya.

2 ŴaKaronga 19:22

“Njani yo wanyoza ndi kutukana? Mphakuyani po wakwezge mazu ghako ndi kujitukumuwa wasoska maso ghake? Kumikana ndi Yumoza yo waku Yisraele!

2 ŴaKaronga 19:23

Wayuyuwa Ambuya ndi mathenga ghako, wakamba kuti, ‘Ndi magareta ghangu ghanandi ndakwera pachanya pa mapiri ghatali ku vipumulu vitali vya Lebanoni; ndingudumuliya pasi masidara ghake ghatali ukongwa, milombwa yakusankhika; ndingusere mu lisuwa lake lakuthazi lisuwa lakukho kwakuruska.

2 ŴaKaronga 19:3

Ŵanguti kwaku iyo, “Viyo watiti Hezekiya, ‘Zuŵa ili ndi zuŵa la suzgu la kuchenya zuŵa la chilengesku, nthumbo zayuka, ŵana ŵaza ku kupapika, kweni nthazi za kuŵatuzgiya palivi.

2 ŴaKaronga 19:30

Ndipo wo ŵakajangako wamoyo ŵa nyumba yaku Yuda wakatuzganga so nkhorozo pasi ndi kupasa vipasi kuchanya;

2 ŴaKaronga 19:31

pakuti mu Yerusalemu mukatuwanga ŵakusiyika wo, ndipo mu phiri la Zioni mukatuwanga mpingu wa wakupozomoka. Mwamphu wa Ambuya ukachichitanga cho.

2 ŴaKaronga 19:5

Penipo ŵateŵeti ŵa karonga Hezekiya ŵanguza kwaku Yesaya,

2 Mikoka 32:20

Pa chifukwa ichi karonga Hezekiya ndi mchimi Yesaya mwana waku Amozi ŵanguromba ndi kuririya kuchanya.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 50:21

Ivi ndivyo wachita kweni ine ndingujachete; iwe waghanaghananga kuti ndiyana nge ndiwe. Kweni sono nditukuchenya, ndiŵika cheruzgu pa maso pako.

Sumu 74:18

Kweni kumbukani ichi. Ambuya mwe, kuti ŵarwani ŵanu ŵawera imwe, ndipo ŵanthu ŵaphuzu ŵatuka zina linu.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yeremiya 23:36

Kweni kuti mukazumbuwanga so cha kuti, ‘Mphingu ya Ambuya,’ pakuti mphingu ndi mazu gha mweneko munthu, ndipo imwe mutimbanizga mazu ghaku Chiuta wamoyo, Ambuya ŵa maŵanja, Chiuta widu.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Yeremiya 42:9

Ndipo wanguti kwaku wo, “Viyo atiti Ambuya, Chiuta waku Yisraele, kwaku mweniyo mungundituma kwachipereka kuŵeyere kwinu paurongo pake:

Ezekiele 36:37

“Viyo atiti Ambuya Chiuta; Ichi nacho so ndikazomerezganga kuti nyumba yaku Yisraele ŵandipemphe cho ndingaŵachitiya: kwandaniska ŵanthu ŵawo nge ndi mskambu.

ŴaRoma 11:5

Kwakulingana viyo mu nyengo ya sono ŵaŵapo ŵakusiyika kwakuyana ndi sankhu la wezi.

ŴaRoma 9:27

Kweni Yesaya wakutiya paku Yisraele: “Chingana unandi wa ŵana ŵaku Yisraele we nge ndi mchenga wapa nyanja, ŵakusiyika ndiwo ŵataskikenge.

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Yoswa 14:12

Viyo sono ndipaske charu cha mtunthu ichi cho Ambuya angunena pa zuŵa liya; pakuti ugujivwiya zuŵa liya mo ŵina Anakimi ŵanguŵiyako, ndi misumba yikuru ya malinga: kokuli Ambuya akaŵanga nane, ndipo ndikaŵatuzgangamo uli ndimo Ambuya angunene.”

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:10

MuFilisti uyu wanguti, “Ndaŵaderera ŵamazaza ŵaku Yisraele, zuŵa linu ndipaskeni munthu kuti tipumane.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:45

Kweni Davidi wangunena ndi iyo, “Iwe utuza kwangu ndi lipanga ndi mkondo ndi nthonga; ehe, ine ndituza kwako muzina la Ambuya wa maŵanja, Chiuta wa zinkhondo zaku Yisraele mweniyo iwe unyoza.