2 ŴaKaronga 18:8 - Tonga Bible 1986

⁸ Wangukoso ŵaFilisti mpaka ku Gaza ndi charu chake, kwamba ku chitanthali kufika ku msumba wa linga.

2 ŴaKaronga 18:8 ပူးပေါင်းရင်းမြစ်များ

1 ŴaKaronga 5:4

Kweni sono Ambuya Chiuta wangu wandipaska kupumuwa ku madera ghose; palivi wakupindikana chingana ndi soka lakundiŵiya.

2 ŴaKaronga 17:9

Ndipo ŵaYisraele ŵanguchitiya mu ubende kunangiya Ambuya Chiuta wawo vinthu vyo kuti vyenga vyakurunjika cha. Ŵangujizenge malo gha visopo pa misumba yawo yose, kwamba ku sonjo ya mlonda mpaka ku msumba wa linga,

1 Mikoka 4:41

Yaŵa, ŵakulembeka mazina ŵanguza mu mazuŵa ghaku Hezekiya, karonga wa ŵaYuda, ŵangupasuwa mahema ghawo ndi ŵa Meuni wo ŵangusanirika mwenimuwa, ndipo ŵanguŵamariya limu mpaka ku zuŵa linu, ŵanguja mu malo ghawo, chifukwa ndiko kwenga uliska wa viŵetu vyawo.

2 Mikoka 26:10

Ndipo wanguzenga so vitanthali mu bozwa, ndi wangukumba visima vinandi chifukwa wenga ndi miskambu yinandi ya vyakuŵeta, mu madambo ndi mu vidika. Wenga ndi ŵalimi ŵaminda ya mphereska mu mapiri ndi mu charu cha nyata chifukwa wangwanja nyata.

2 Mikoka 28:18

ŴaFilisti nawo so ŵanguduma pa misumba ya Shefela ndi Negebu yaku Yuda, ndi ŵanguto Beteshemeshi, Aijaloni, Gederoti, Soko ndi mizi yake, Timna ndi mizi yake, ndi Gimzo ndi mizi yake, ŵanguja mwenimo.

Yesaya 14:29

“Mungakondwanga cha mwa ŵaFilisti imwe, kuti ndodo yo yingukukosoni yafyoka, pakuti kutuwa ku msisi wanjoka kukatuwanga chipi ndipo chipasi chake chikaŵanga njoka yakuphururuka.

Yesaya 5:2

Wanguwulima wangutuzgamo mya, ndipo wangupandamo mphereska zakusankhika; wanguzenga chitanthali mukati mwake, wangusemiyamo thaŵali la mphereska mukati mwake; wanguwulereze kuti upasenge vipasi, kweni ungupasa vikorakora.

Marangu 2:23

ŴaAvimi nawo ŵajanja mu mizi mpaka ku Gaza, kweni ŵanthu ŵakutuwa ku Kafatori wo ŵanguŵaparghang'a ndi kuzenga mu malo ghawo.)

Yoswa 15:47

Ashidodi misumba yake ndi mizi yake, Gaza misumba yake ndi mizi yake; kuya ku msinji wa Egipiti, ndi Nyanja Yikuru pamoza ndi likumba lake.