2 ŴaKaronga 18:4 - Tonga Bible 1986

⁴ Wangutuzgamo malo gha pachanya, ndi wanguguinuliya pasi vigaŵa ndi kudumuliya pasi Asera. Wangudumuwa tumanatumana njoka ya mkuŵa yo wangupanga Mosese, pakuti mpaka kufika ku mazuŵa gho ŵaYisraele ŵangoche vyachema kwaku yo, yadanikanga chimkuŵa.

2 ŴaKaronga 18:4 ပူးပေါင်းရင်းမြစ်များ

1 ŴaKaronga 22:43

Wangwenda mu nthowa yose yaku Asa awiske, kuti wangupatukako cha kwaku yo, wanguchita cho nchamampha mu maso gha Ambuya, kweni malo gha pachanya ghengavi kutuzgikapo. Viyo ŵanthu ŵenga ŵeche kupereka ndi kocha vyachema pa malo gha pachanya.

2 ŴaKaronga 10:26

Ndipo ŵangutuzga chiguŵa cho chenga mu nyumba yaku Bala wangocha.

2 ŴaKaronga 11:18

Sono ŵanthu wose ŵa charu cho ŵanguruta ku nyumba yaku Bala ndi ŵanguyipasuliya pasi, majochero ndi vyangoza vyake ŵanguswa tumana-tumana, ndipo ŵangubaya Matani mzukuru waku Bala paurongo pa majochero. Viyo mzukuru yo wangumika ŵalonda pa nyumba ya Ambuya.

2 ŴaKaronga 12:3

Kweni uli malo ghapachanya gha visopo ghengavi kutuzgikamo, ŵanthu ŵangurutiliya kupereka ndi kocha vyachema mu malo ghapachanya.

2 ŴaKaronga 14:4

Kweni malo gha visopo gha pachanya kuti ghangutuzgikamo cha, ŵanthu ŵangurutiliya kupereka mpasku ndi kocha vyachema mu malo ghapachanya.

2 ŴaKaronga 15:35

Ndipuuli malo ghavisopo vya ngoza ghengavi kutuzgikapo; ŵanthu ŵenga ŵeche kupereka sembe ndi kocha vyachema pa malo gha pachanya. Ŵanguzenga likomo la pachanya la nyumba ya Ambuya.

2 ŴaKaronga 15:4

Ndipuuli malo ghavisopo gha pachanya ghengavi kutuzgikapo; ŵanthu ŵaperekanga mbwenu sembe ndi kocha vyachema pa malo gha pachanya.

2 ŴaKaronga 16:15

Ndipo karonga wangulanguliya Uriya, kuti, “Pachanya pa jochero likuru wochiyengepo mpasku wa mlenji, ndi mpasku wa ufwa wa mazulo, ndi mpasku wakocha wa karonga, ndi mpasku wake wa ufwa, pamoza ndi mpasku wakocha wa ŵanthu wose ŵa charu ichi, ndimpasku wawo wa ufwa, ndi mpasku wawo wakumwa, upunguliyengepo ndopa zose za mpasku wakocha, ndi ndopa zose za sembe: kweni jochero la mkuŵa likaŵanga langu la kufumbiyapo.”

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

2 ŴaKaronga 23:14

Wanguswa tumanatumana mizati, ndi kudumuliya pasi vikozgo, ndipo wanguzaza malo ghawo ndi viwanga vya ŵanthu.

2 ŴaKaronga 23:4

Ndipo karonga wangulanguliya Hilkiya mzukuru mura ndi ŵazukuru ŵachigaŵa cha chiŵi, ndi ŵakusunga mbuli, kwachituzga mu kasopi wa Ambuya viyaŵi vyose vyo vingupangikiya Bala vyaku Ashera, ndi vya maŵanja ghose gha kuchanya, wanguvyoche kubwalo kwa Yerusalemu mu minda ya Kidroni, kweni vyoto vyake vingutoreke ku Betele.

2 Mikoka 19:3

Kweni kamampha kawonekamo mwaku imwe chifukwa mungutuzgamo chikozgo cha Ashera mu charu ndi kuŵikapo mtima winu pakumpenja Chiuta.”

2 Mikoka 31:1

Sono vinguti vyamarapo vyose ivi, ŵaYisraele wose wo ŵengapo ŵanguruta ku misumba yaku Yuda ndi ŵanguswa vikozgo ndi kudumuliya pasi ŵachiuta ndi ŵangubwanganduwa malo gha pachanya ndi majochero mu Yuda yose, mu Benjamini, mu Efraimu ndimu Manase, mpaka ŵangubwanganduwa vyose. Viyo ŵanthu wose ŵaku Yisraele ŵanguwere ku misumba yawo, munthu yose ku malo ghake.

2 Mikoka 33:3

Pakuti wanguzenga so malo gha pachanya gho Hezekiya awiske ŵangudumuriya pasi, ndi kumzenge Bala viguŵa ndi viuyi, wangusopa vya kuchanya vyose ndi kuvitatariya.

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Chituwa 34:13

Mukagumuliyanga pasi majochero ghawo gha sembe, ndi kubwanganduwa mizati yawo, ndi kudumuliya pasi mya yawo yakusopiyapo Ashera

Yesaya 36:7

Kweni asani ukatinge kwangu, “Tiyegeme pa Ambuya Chiuta widu,” kumbi kuti ndiyo cha mweniyo malo ghake gha visopo ndi viguŵa vya sembe Hezekiya wakunderezgapo, wangukamba kwaku Yuda ndi ku Yerusalemu, “Mukasopanga paurongo pa chiguŵa ichi cha sembe?”

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Marangu 5:5

penipo ine ndinguma pakati paku Chiuta ndi imwe nyengo yiya, kukukambiyani mazu gha Ambuya, chifukwa mwenga wakutenthema chifukwa cha moto, ndipo kuti mungukwere mu phiri cha, iyo wanguti:

Marangu 7:5

Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.

Ŵeruzgi 6:25

Usiku uwa Ambuya anguti kwako iyo, “Uto nkhuzi ya mpupuka ya ausu, nkhuzi ya chirimika chimoza, ndipo ubwanganduliyi pasi guŵa laku Bala lo ŵe nalo ausu, udumliye pasi Ashera yo we pafupi nayo;

Ŵeruzgi 6:28

Po ŵanthu ŵamu msumba ŵanguyuka ndi mlenjulenji, ehe, jochero laku Bala lingubwangandulikiya pasi, Ashera wapafupi nalo wangudumulikiya pasi, ndipo nkhuzi ya chiŵi yingupaskika mpasku pa jochero lo linguzengeka.