2 ŴaKaronga 18:3 - Tonga Bible 1986

³ Ndipo wanguchita cho chenga chakurunjika mu maso gha Ambuya kwakuyana ndi vyose vyo awiske Davidi wanguchita.

2 ŴaKaronga 18:3 ပူးပေါင်းရင်းမြစ်များ

1 ŴaKaronga 11:38

Ndipo asani ukavwiyanga vyose vyo nditukulanguliya, ndipo ukendanga mu nthowa zangu, kuchita chenicho nchakurunjika mu maso ghangu pakusunga marangu ghangu ndi malangulo ghangu, ulaka ndimo wanguchitiya Davidi muŵanda wangu, ndikaŵanga nawe, ndipo ndikuzengiyenge nyumba yeneko, nge ndimo ndinguzenge nyumba yeneko, nge ndimo ndinguzenge Davidi, ndipo ndikupaskenge Yisraele.

1 ŴaKaronga 11:4

Chifukwa penipo Solomoni wangukota ŵawoli ŵake ŵangupuruskiya mtima wake kukurondo ŵachiuta ŵamwenga; ndipo mtima wake kuti wenga wakuneneska kwakufikapo cha ku Ambuya Chiuta wake, nge ndi mo wenge mtima waku Davidi awiske.

1 ŴaKaronga 15:11

Ndipo Asa wanguchita chochenga chakurunjika mu maso gha Ambuya, ulaka ndimo Davidi awiske ŵanguchitiya.

1 ŴaKaronga 15:5

chifukwa Davidi wanguchita chenicho chenga chakurunjika mu maso gha Ambuya, ndipo kuti wangung'anamukiya kunyake cha kwaku chose cho wangumulanguliya mazuŵa ghose gha umoyo wake, kweni mu chifukwa chaku Uriya pe mu Hiti yo.

1 ŴaKaronga 3:14

Ndipo asani ukendanga mu nthowa zanga, kusunga marangu ghangu ndi malangulu ghangu, nge ndimo wangwende Davidi ausu po ndipo ndikuskiyengeko mazuŵa ghako.”

2 ŴaKaronga 12:3

Kweni uli malo ghapachanya gha visopo ghengavi kutuzgikamo, ŵanthu ŵangurutiliya kupereka ndi kocha vyachema mu malo ghapachanya.

2 ŴaKaronga 14:3

Ndipo wanguchita cho chenga chakurunjika mu maso gha Ambuya, kweni uli ndi Davidi awiske cha, mu vinthu vyose wanguchita nge ndimo wiske Yoashi wanguchitiya.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

2 ŴaKaronga 22:2

Wanguchita cho chenga chakurunjika mu maso gha Ambuya, wangwenda munthowa zose zaku Davidi awiske, ndipo wengavi kung'anamukiya ku marghe pamwenga ku maze.

2 Mikoka 29:2

Wanguchita cho chenga chakurunjika pa maso pa Ambuya, kwakuyana ndi chose cho mbuyake Davidi wanguchita.

Jobu 33:27

ndi ŵatumba paurongo pa ŵanthu, ndi watiti: ‘Ndingulakwa, ndi ndingutimbanizga cho chenga chakurunjika, ndipo kuti chingundanduliya kanthu cha.

Sumu 119:128

Viyo ndirongozga michapu yangu mu virunguchizgu vinu vyose; nthowa zose ziheni nditinkha.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Yesaya 38:3

wanguti, “Kumbukani sono Ambuya, nditukuŵeyereni, mwenimo ine ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu.” Hezekiya wanguliya kwakuŵaŵa.

ŴaRoma 7:12

Viyo chilangulu cho nchakupaturika, ndipo langulu lo ndakupaturika, ndi lakurunjika, ndi lamampha.

ŴaEfeso 6:1

Mwaŵana, vwiyani ŵapapi ŵinu muMbuya: chifukwa chenichi nchakurunjika.

Marangu 10:12

“Ndipo sono ŵaYisraele mwe, cho Ambuya Chiuta winu wakhumba kwaku imwe nkhopa Ambuya Chiuta winu kwenda mu nthowa zake zose, kumwanja, kuteŵete Ambuya Chiuta winu ndi mtima winu wose, ndi umoyo winu wose,

Marangu 6:18

Ndipo muchitenge cho nchakurunjika ndi chamampha pa maso paku Chiuta, mwakuti kuŵenge kwamampha kwaku imwe, kuti mukasere kwachironda charu chamampha cho Ambuya angurapiya auskemwe kuŵapaska,