2 ŴaKaronga 17:4 - Tonga Bible 1986

⁴ Kweni karonga wa Asiriya wangusaniyamo urwani mwaku Hosheya pakuti wangutuma mathenga kwaku Sowu, karonga wa Egipiti, ndipo kuti wangupereka msonkho ku karonga wa Asiriya, uli ndimo wachitiyanga chirimika ndi chirimika cha; chifukwa cho karonga wa Asiriya wangumujariya ndi kumumangiya mu nyumba ya ulinda.

2 ŴaKaronga 17:4 ပူးပေါင်းရင်းမြစ်များ

2 ŴaKaronga 17:3

Shalmanezara karonga wa Asiriya, wanguza kulimbana nayo; ndipo Hosheya wanguŵa nduna yake ya charu, ndipo wangupereka msonkho.

2 ŴaKaronga 17:5

Sono karonga wa Asiriya wangugoŵe charu chiya chose ndi wanguza ku Samaria, ndipo wanguwuzinga virimika vitatu.

2 ŴaKaronga 18:21

Ehe, sono uyegeme paku Egipiti ndodo ya dete lakuphwanyika liya lo likalasanga janja la munthu yose wakuyegeme paku lo. Wa viyo yo ndi Farao karonga wa Egipiti kwaku wose ŵakuyegeme paku iyo.

2 ŴaKaronga 24:1

Mu mazuŵa ghake Nebukadanezara karonga waku Babiloni wangukweriyako, ndipo Yehoyakimu wanguŵa mteŵeti wake virimika vitatu, ndipo wanagung'anamukako ndi kumugarukiya.

2 ŴaKaronga 24:20

Pakuti chifukwa cha ukari wawo chingufiskika ichi mu Yerusalemu ndi Yuda Ambuya anguŵadikiska pa maso ghawo. Ndipo Zedekiya wangugaruka ku karonga wa Babiloni.

2 ŴaKaronga 25:7

Ŵangubaya ŵana ŵaku Zedekiya paurongo pake, iyo mweneko ŵangumukolowo maso, ndi kumumanga mu matangaja wanguya nayo ku Babiloni.

2 Mikoka 32:11

Ndatinge yo Hezekiya watimuwojani kuti mujipereke ku nyifwa, ku nja, ndi nyota, po watiti, “Mbuya Chiuta widu watitaskenge ku janja la karonga waku Asiriya”?

Hoseya 10:4

Ŵakamba mazu ghaŵaka; ndi ŵarapa ŵaka pakuchita mapanganu viyo cheruzgu chibuka nge ndi uteka wakuŵaŵa mu migando yamu munda.

Hoseya 12:2

Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Hoseya 13:10

Karonga wako wepani kukutaska; mafumu ghako ghe pani kukuvikiriya gho unguti, “Ndipaskeni karonga ndi mafumu”?

Hoseya 8:10

Chingana ŵalembera ŵanthu ŵakulipika mukati mu mitundu, ndiŵawunjikenge sosonukweni. Ndipo ŵarekenge kwanyengo yimanavi kunthonezga mafuta pa karonga ndi mafumu.

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.