2 ŴaKaronga 17:16 - Tonga Bible 1986

¹⁶ Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

2 ŴaKaronga 17:16 ပူးပေါင်းရင်းမြစ်များ

1 ŴaKaronga 12:28

Viyo karonga wanguchita upu, ndipo wanguchita mathole ghaŵi gha golide. Ndipo wanguti ku ŵanthu, “Mwakwere ku Yerusalemu nyengo yitali ukongwa: Awonani ŵachiuta ŵinu, Yisraele we, ŵeniwo ŵangukutuzgani mu charu cha Egipiti.”

1 ŴaKaronga 14:15

Ndipo kwanda sono Ambuya akakosonga Yisraele, ulaka ndimo dete lisukuniskikiya mu maji ndi kuzuwa Yisraele kumutuzga mu charu chamampha ichi chenicho angupaska ku auskeu, ndi kuŵaparghaniya kusirgha kwa Efrate, chifukwa ŵapanga Asherimu wawo, kusosomole Ambuya ku ukari.

1 ŴaKaronga 14:23

Chifukwa ŵangujizenge malo gha mitunthu, ndi viguŵa, ndi Asherimu pa ka mtunthu kose ndi musina mu muti wose uŵisi;

1 ŴaKaronga 15:13

Wangutuzgamo so ndi anyina Maka wo ŵenga fumukazi chifukwa ŵenga ndi ngoza wa ukazuzi yo wangupangikiya Ashera; Asa wangudumuliya pasi ngoza wawo ndi kumocha pa kamsinje ka Kidroni.

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

1 ŴaKaronga 16:33

Ndipo Ahabu wangupanga Ashera. Wanguchita kwakurutizga kusosomole Ambuya, Chiuta waku Yisraele, ku kukara, kuruska ŵakaronga wose ŵaku Yisraele wo ŵengako paurongo pake.

1 ŴaKaronga 22:53

Wangutataliya Bala ndi wangumulambiya, ndi wangusosomole Ambuya, Chiuta waku Yisraele, ku ukari mu nthowa yose yo awiske wanguchita.

2 ŴaKaronga 1:2

Sono Ahaziya wanguwa kuporota pa dangazi mu chipinda chake cha pachanya mu Samaria, ndipo wangutama, viyo wangutuma mathenga wakuti, “Rutani, kafumbeni kwaku Bala-zebubi, chiuta waku Ekroni, vinu ndikachilanga ku utenda uwu.”

2 ŴaKaronga 11:18

Sono ŵanthu wose ŵa charu cho ŵanguruta ku nyumba yaku Bala ndi ŵanguyipasuliya pasi, majochero ndi vyangoza vyake ŵanguswa tumana-tumana, ndipo ŵangubaya Matani mzukuru waku Bala paurongo pa majochero. Viyo mzukuru yo wangumika ŵalonda pa nyumba ya Ambuya.

2 ŴaKaronga 16:3

kweni wangwenda mu nthowa ya ŵakaronga ŵaku Yisraele. Ndipo wangocha chingana ndi mwana wake kupereka mpasku, kwakuyana ndi unyakazi wakuchitika ndi mitundu yo Ambuya angudikiska paurongo pa waYisraele.

2 ŴaKaronga 17:10

ŵangujimikiya vigaŵa vya Asherimu pa mtunthu wose utali ndi musina mwa muti wose uŵisi,

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

Chituwa 32:4

Ndipo wanguronda golide ku manja ghawo, ndipo wanguchita ndi chidya chakuzotole wangwenguwa, ndi wanguchita thole la ng'ombe. Ndipo wanguti, “Yaŵa ndiwo ŵachiuta ŵinu mwa ŵaYisraele, wo wangumutoliyani kuno kutuwa mu charu cha Egipiti.”

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Yesaya 2:8

Charu chawo chazaza ŵangoza, ŵaŵeramiya pasi mitu yawo kunchitu za manja ghawo, kwaku cho minwe yaŵeneko yachita.

Yeremiya 19:13

Nyumba za Yerusalemu ndi nyumba za ŵakaronga ŵaku Yuda, nyumba zose zenizo pa mitenje yake vyachema vikochekiyapo ku liŵanja lose la kuchanya, ndi mipasku yakumwa yikudikiyapo ku ŵachiuta ŵanyake, zikakazuzgikanga, nge ndi malo gha Tofeti.’ ”

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Ezekiele 23:8

Kuti wangureka cha ureŵi wake wo wachitanga mu mazuŵa ghake mu Egipiti; pakuti mu umwali wake ŵanthurumi ŵangula nayo ndi kuko maŵe ghake gha umwali ndi kumudiriya ukazuzi wawo.

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

Marangu 16:21

“Mungapandanga muti we wose cha kuŵa lisuwa kuŵandikana ndi jochero la Ambuya Chiuta winu lo mukachitanga.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.