2 ŴaKaronga 16:7 - Tonga Bible 1986

⁷ Viyo Ahazi wangutuma mathenga kwaku Tiglati-pileseri karonga wa Asiriya, kuti, “Nde mteŵeti wako ndi mwana wako munthurumi. Ukwere kuno kuzachindipozomoska ku janja la karonga wa Siriya ndi ku janja la karonga wa Yisraele wo ŵalimbana nane.”

2 ŴaKaronga 16:7 ပူးပေါင်းရင်းမြစ်များ

1 ŴaKaronga 20:4

Ndipo karonga wa ŵaYisraele wangwamuka, “Nge ndimo mukambiya mbuyangu karonga mwe, nde winu pamoza ndi vyose vyo nde navyo.”

2 ŴaKaronga 15:29

Mu mazuŵa ghaku Peka karonga waku Yisraele Tiglatipileseri karonga wa Asiriya wanguza ndi wangukwamphuwa Ijoni, Abelbebmaka, Janowa, Kedeshi, Hazoro, Gileada, ndi Galileya, charu chose chaku Naftali, ndipo wanguyola ŵanthu umkoli ku Asiriya.

2 ŴaKaronga 18:7

Ndipo Ambuya ŵenga nayo pamoza, kweniko kose wanguya wangusakata. Wangugarukiya karonga wa Asiriya, wangukana kumteŵete.

1 Mikoka 5:26

Sono Chiuta waku Yisraele wanguvunduwa mzimu waku Puli karonga wa Asiriya, ndi mzimu waku Tilgati-Pilnezara karonga wa Asiriya, ndipo wanguyora wose, ŵine Rubene, Gadi, ndi nusu la fuku laku Manase, wanguza nawo ku Hala, Habori, Hara ndi ku msinji wa Gozani, mpaka zuŵa lino.

2 Mikoka 28:16

Pa nyengo yiya karonga Ahazi wangutuma mazu ku karonga waku Asiriya kupempha chovyo.

2 Mikoka 28:20

Viyo Tilgati-Pilnezera karonga wa Asiriya wanguza ndi kumikana nayo, wangumsuzga mu malo ghakumukhomeska,

Yesaya 2:6

Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.

Yeremiya 13:21

Mukakambanganji asani ŵamika kuŵa nge ndi mutu paku imwe ŵeniwo imwe mwaŵeni mungusambizga kuŵa ŵakovwana namwe? Asi kuŵaŵa kukamukukaninga, uli nkhwamunthukazi wakupapa?

Yeremiya 17:5

Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

Chitenje 4:17

Maso ghidu ghatondeka talindizga chovyo nyengo yose kweni kwawaka; mu kulindizga kwidu tingulindizga, mtundu weniwo kuti unguziŵa kutaska cha.

Ezekiele 16:28

Asiriya nawo unguchita nawo so ureŵi, chifukwa wengavi kuguta; inya, unguchita nawo ureŵi, ndipuuli kuti ungukhorwa cha.

Ezekiele 23:12

Wangujipereka ku Asiriya, ŵeruzgi ndi ŵarongozgi ŵa nkhondo, zingwazi zakuvwaliya limu vya nkhondo, ŵanthu ŵakukwera pa ŵakavalo, wose ŵanyamata ŵakukhumbikwa.

Ezekiele 23:5

“Ohola wanguchita ureŵi po wenga weche wangu; ndipo wangujipereka ku mabwezi ghake Asiriya,

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.