2 ŴaKaronga 15:8 - Tonga Bible 1986

⁸ Mu chirimika cha machumi ghatatu pachanya vinkhonde ndi vitatu chaku Azariya karonga waku Yuda Zekariya mwana waku Yeroboamu wanguwusa paku Yisraele mu Samaria myezi nkhonde ndi umoza.

2 ŴaKaronga 15:8 ပူးပေါင်းရင်းမြစ်များ

2 ŴaKaronga 10:30

Ndipo Ambuya anguti kwaku Yehu, “Chifukwa wachita umampha pakufiska cho nchamampha mu maso ghangu, ndipo wachita ndi nyumba yaku Ahabu kwakuyana ndi chose cho chenga mu mtima wangu, ŵana ŵako mpaka ku mgonezi wa chinayi, ŵakajanga pa chitengo chaku Yisraele.”

2 ŴaKaronga 14:21

Ndipo ŵanthu wose ŵaku Yuda ŵanguto Azariya mweniyo wenga wa virimika chumi pachanya vinkhonde ndi chimoza ŵangumuvwarika ukaronga malo gha awiske Amaziya.

2 ŴaKaronga 14:29

Ndipo Yeroboamu wangula pamoza ndi ŵambuyake, ŵakaronga ŵaku Yisraele, ndipo Zekeriya mwana wake wanguwusa mu malo ghake.

2 ŴaKaronga 15:1

Mu chirimika cha machumi ghaŵi pachanya vinkhonde ndi viŵi chaku Yeroboamu karonga waku Yisraele Azariya mwana waku Amaziya, karonga waku Yuda, wangwamba kuwusa.

2 ŴaKaronga 15:13

Shalumu mwana waku Yabeshi wangwamba kuwusa mu chirimika cha machumi ghatatu pachanya vinkhonde ndi vinayi chaku Uziya karonga waku Yuda, ndipo wanguwusa mwezi umoza mu Samaria.

2 ŴaKaronga 15:17

Mu chirimika cha machumi ghatatu pachanya vinkhonde ndi vinayi chaku Azariya karonga waku Yuda Menahemu mwana waku Gadi wangwamba kuwusa paku Yisraele, wanguwusa virimika chumi mu Samaria.

2 ŴaKaronga 15:23

Mu chirimika cha machumi ghankhonde chaku Azariya karonga waku Yuda Pekahiya mwana waku Menahemu wangwamba kuwusa paku Yisraele mu Samaria, ndipo wanguwusa virimika viŵi.

2 ŴaKaronga 15:7

Ndipo Azariya wangula pamoza ndi ŵambuyake, ndipo ŵangumuŵika mu msumba waku Davidi, sono Yotamu mwana wake wanguwusa mu malo ghake.

2 ŴaKaronga 15:9

Ndipo wanguchita cho chenga chiheni mu maso gha Ambuya uli ndi mwenimo wanguchitiya awiske. Wengavi kutuwako ku maulakwi ghaku Yeroboamu mwana waku Nebati, gho wangulakwiska nagho Yisraele.

Nthanthi 28:2

Asani charu chituswa dangu chendi ŵeruzgi ŵanandi; kweni ndi ŵanthu ŵakuwamo ndi ŵachinjeru ukhovu wake ukakiyangakiyanga nyengo yitali.

Hoseya 1:4

Ndipo Ambuya anguti kwaku Hoseya, “Umudani mwana yo zina lakuti, Yezerele; chifukwa kwaja nyengo yimanavi nkhalanganga nyumba yaku Yehu chifukwa cha ndopa zaku Yezerele, ndipo ndituzgengepo ufumu pa nyumba yaku Yisraele.

Amosi 7:9

malo gha pachanya ghaku Yisaki ghakapasukanga, ndi malo ghakupaturika ghaku Yisraele ghakanangikanga, ndipo ndiyukiyenge nyumba yaku Yeroboamu ndi lipanga.”