2 ŴaKaronga 15:5 - Tonga Bible 1986

⁵ Ambuya angukoso karonga viyo kuti wanguŵa wa makhate mpaka nyifwa yake, ndipo wajanga mu nyumba ya pade. Ndipo Yotamu mwana wa karonga ndiyu watufuliyanga ŵamunyumba yo, ndikweruzga ŵanthu ŵa charu cho.

2 ŴaKaronga 15:5 ပူးပေါင်းရင်းမြစ်များ

2 Samuele 3:29

Zidike pa mutu waku Yoabu, ndi nyumba yose ya awiske; ndi kuti nyumba yaku Yoabu yireke kusoŵeka nanga njumoza cha wakuŵa ndi nthenda yakusuruwa ndopa, pamwenga wakuŵa ndi makhate, pamwenga wakwende ndodo, pamwenga wakubayika ndi lipanga, pamwenga wakusoŵa chiŵande.”

2 Samuele 8:15

Viyo Davidi wanguwusa paku Yisraele yose; wangweruzga ndi kuchitiya urunji khamu lake lose;

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

1 ŴaKaronga 3:9

Viyo paskani muŵanda winu zeru yakuwamo pa kweruzga khamu linu, alinga kuti ndiziŵenge mphambanu pakati pa umampha ndi uheni pakuti njani wangaziŵa kweruzga khamu linu lenilikuru ili?”

2 ŴaKaronga 15:32

Mu chirimika cha chiŵi chaku Peka mwana waku Remaliya, karonga waku Yisraele, Yotamu mwana waku Uziya karonga waku Yuda wangwamba kuwusa.

2 ŴaKaronga 15:6

Sono machitidu ghose ghaku Azariya ndi chose cho wanguchita, ehe, vikulembeka mu Buku la Machitidu gha ŵaKaronga ŵaku Yuda.

2 ŴaKaronga 5:27

Chifukwa cho makhate ghaku Namani ghakaniliyenge mwako, ndi kumphapu yako muyaya.” Viyo wangutuwa pa maso ghake wa makhate, ghakutuwa uli ndi matalala.

2 ŴaKaronga 7:3

Penga ŵanthurumi ŵanayi ŵamakhate pakuserere pa likomo, yaŵa ŵafumbananga yumoza ndi munyake, “Kumbi tijariyengenji pano mpaka tifwe?

1 Mikoka 3:12

Amaziya mwana wake, Azariya mwana wake, Yotamu mwana wake,

1 Mikoka 5:17

Yaŵa wose ŵangulembeka mwa kawi kawo mu mazuŵa ghaku Yotamu karonga waku Yuda, ndi mu mazuŵa ghaku Yeroboamu karonga waku Yisraele.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

Sumu 72:1

A Chiuta, sambizgani karonga kweruzga mu urunji winu, vyeruzgu vinu musangani nayo,

Hoseya 1:1

Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

ŴaLevi 13:46

wakaŵanga wambura kutozgeka nyengo yose yo wakaŵiyanga ndi makhate ngwambura kutozgeka; wakajanga pakuyija, ndipo watenere kuja, kubwalo kwa ugoŵi.

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Maŵerengedu 12:10

po chimtambo chingukungunukapo pa hema, ŵanguwona, Miriamu wanguŵa wa makhati, tu; nge ndi nyankhuŵinda. Ndipo Aroni pakulereska Miriamu, wanguwona, kuti ngwa makhati.

Maŵerengedu 12:14

Kweni Ambuya anguti kwaku Mosese, “Asani wiske wangumufunyiya mata pa maso, kumbi kuti wangaŵa ndi soni mazuŵa ghankhonde ndi ghaŵi cha? Watuzgike ndi kuja kubwalo kwa ugoŵi mazuŵa ghankhonde ndi ghaŵi, pavuli paku gho walondereke so.”

Marangu 24:8

“Asani munthu watama ndi makhate, phwereni kuchita kwakuyana ndi vyose vyenivyo ŵazukuru ŵaLevi ŵakamurongoninga. Muchitenge ndi kuphwere.