2 ŴaKaronga 13:7 - Tonga Bible 1986

⁷ Pakuti kwengavi kusiyikako so kwaku Jehoyahazi liŵanja la nkhondo lakuruska wapakavalo machumi ghankhonde ndi magareta chumi ndi ŵakwenda pasi vikwi chumi, chifukwa karonga waSiriya wanguŵaphwanya ndi wanguŵachita uli ndi fuvu lapa mbuli.

2 ŴaKaronga 13:7 ပူးပေါင်းရင်းမြစ်များ

2 Samuele 22:43

Ndinguŵapera nge ndi fuvu la pasi, ndinguŵaphwata ndipo ndi nguŵapuwa nge mbulambwi wamu ŵagurwi.

1 ŴaKaronga 20:15

Penipo wanguŵerenga ŵateŵeti ŵa nduna zavigaŵa, ndipo ŵenga machumi pe chumi ghaŵi pachanya machumi ghatatu ndi ŵaŵi (232) pavuli paku wo wanguŵerenga ŵaYisraele, wose ŵenga vikwi vinkhonde ndi viŵi (7,000).

1 ŴaKaronga 20:27

Ndipo ŵaYisraele ŵanguŵerengeka, ŵangupaskika kamba, ndipo ŵanguruta kwachirwana nawo; ŵaYisraele ŵangugoŵa paurongo pawo ulaka nge nthumiskambu tumanatumana tuŵi twa mbuzi, kweni ŵaSiriya ŵanguzaza charu.

2 ŴaKaronga 10:32

Mu mazuŵa ghenigha Ambuya angwamba kudumuwa vigaŵa mwaku Yisraele. Hazaeli wanguŵathereska mu chigaŵa chose chaku Yisraele,

2 ŴaKaronga 13:8

Sono machitidu ghose ghaku Jehoyahazi ndi vyose vyenivyo wanguchita asi vikulembeka mu Buku la Mikoka ya ŵaKaronga ŵaku Yisraele?

2 ŴaKaronga 8:12

Hazaeli wanguti, “Chifukwa chine mbuyangu waliya?” Iyo wangwamuka, “Chifukwa ndiziŵa uheni wo mukachitiyanga ŵanthu ŵaku Yisraele, mukawochanga malinga ghawo, mukabayanga ŵanyamata ŵawo ndi lipanga, mukapikitanga tumanatumana malitema ghawo, ndipo mu katumbuwanga ŵanthukazi ŵawo ŵa nthumbo.”

Sumu 18:42

Ndinguŵathibuska nge ndifuvu paurongo pa mphepo; ndinguŵataya nge mburambwi wamu ŵagurwi.

Yesaya 36:8

Zanga sono ubeche ku mbuyangu karonga wa Asiriya: Ine ndikakupaskanga ŵakavalo 2,000 (vikwi viŵi) vinu kuchiri-kwako ungaziŵa kuŵa nawo ŵakugalapo paku wo.

Yesaya 41:2

Njani wanguyuska munyake kutuwa ku vuma mweniyo kupunda kukumana nayo pa mchapu wose? Wapereka mitundu paurongo pake, viyo kuti waphwata akaronga ndi rundi lake; wati ŵachita nge ndi fuvu ndi lipanga lake, uli ndi mbuwa yakuputiskika ndi uta wake.

Yoele 3:14

Mizinda, mizinda, mu dambo lakweruzgiya! Chifukwa zuŵa la Ambuya le pafupi mu dambo lakweruzgiya.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Amosi 1:3

Viyo atiti Ambuya: “Chifukwa cha maulakwi ghatatu ghaku Damasko, ndi wachinayi, kuti ndiwezgenge kulangika kwake cha; chifukwa wangukwechuwa Gileada ndi malikwechu gha chisulu.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

1 Samuele 13:15

Viyo Samuele wangusoka, wangutuwako ku Gilgala wanguya ku Gibea waku Benjamini. Ndipo Sauli wanguŵerenga ŵanthu wo ŵenga pamoza nayo, akhumba wenga machumi pe chumi ghakhonde ndi limoza (600).