2 ŴaKaronga 13:4 - Tonga Bible 1986

⁴ Pavuli Jehoyahazi wangupenja Ambuya, ndipo Ambuya angumuvwa, pakuti anguwona suzgu yaku Yisraele, mo karonga wa Siriya waŵasuzgiyanga.

2 ŴaKaronga 13:4 ပူးပေါင်းရင်းမြစ်များ

Chiyambo 21:17

Ndipo Chiuta wanguvwa mazu gha mwana yo; ndipo mungelo waku Chiuta wangudanirizga kwaku Hagara kuturiya kuchanya, ndi wanguti kwaku iyo, “Nchine cho chitukusuzga Hagara? Ungopanga cha, pakuti Chiuta wavwa mazu gha mwana yo penipo wali.

Chiyambo 31:42

Asani Chiuta wa ada, Chiuta waku Abrahamu ndi Chiuta waku Yisaki, wengavi kuŵa kuchiri kwangu, kwakuneneska sono mphanyi wandidika kwambura ndi kanthu mu manja. Chiuta wanguwona suzgu yangu ndi kutakataka kwa manja ghangu, ndipo wakuchenya iwe usiku waruta.”

2 ŴaKaronga 13:22

Hazaeli karonga waSiriya wangusuzga ŵaYisraele mu mazuŵa ghose ghaku Jehoyahazi.

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

2 ŴaKaronga 14:26

Pakuti Ambuya anguwona suzgu ya paku Yisraele kuti yenga yizitu, chifukwa pengavi yumoza wakujako, muŵanda pamwenga mwanangwa, ndipo pengavi nanga jumoza wakovya Yisraele.

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

Ezra 8:23

Viyo tingufunga kurgha, ndi kuŵeya Chiuta widu chifukwa ichi, ndipo iyo wanguvwa marombu ghidu.

Jobu 22:27

Ukarombanga kwaku iyo, ndi wakakuvwanga; ndi ukarapanga marapu ghako.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 78:34

Penipo wangukosopo ŵanyake, ŵakujapo wo ŵangumupenja; ŵangung'anamuka, ŵangupenja, Chiuta ndi mwamphu wose.

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Chituwa 3:9

Ndipo sono, ehe, nkhuta ya ŵaYisraele yafika kwangu ndipo ndawona suzgu yeniyo ŵaEgipiti ŵati ŵasuzga nayo.

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

Ŵeruzgi 10:10

Ndipo ŵaYisraele ŵangubongole ku Ambuya, ŵanguti, “Talakwiya imwe, chifukwa tareka Chiuta widu tatataliya ŵaBala.”