2 ŴaKaronga 13:23 - Tonga Bible 1986

²³ Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

2 ŴaKaronga 13:23 ပူးပေါင်းရင်းမြစ်များ

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

1 ŴaKaronga 8:28

Kweni ndipuuli muŵe akuphwere rombu la muŵanda winu ndi kuŵeyere kwake, Ambuya mwe Chiuta wangu, mwaŵakuvwa kubongo ndi rombu lenilo muŵanda winu waromba paurongo pinu msana wale;

2 ŴaKaronga 13:24

Wanguti wafwa Hazaeli karonga waSiriya, Benhadadi mwana wake wanguŵa karonga mu malo ghake.

2 ŴaKaronga 13:4

Pavuli Jehoyahazi wangupenja Ambuya, ndipo Ambuya angumuvwa, pakuti anguwona suzgu yaku Yisraele, mo karonga wa Siriya waŵasuzgiyanga.

2 ŴaKaronga 14:26

Pakuti Ambuya anguwona suzgu ya paku Yisraele kuti yenga yizitu, chifukwa pengavi yumoza wakujako, muŵanda pamwenga mwanangwa, ndipo pengavi nanga jumoza wakovya Yisraele.

2 ŴaKaronga 14:27

Kweni Ambuya kuti ŵangukamba cha kuti akazimwiyanga limu zina laku Yisraele pa charu chapasi, viyo anguŵataska ndi janja laku Yeroboamu mwana waku Yoashi.

2 ŴaKaronga 17:18

Chifukwa cho Ambuya angukara ukongwa ndi Yisraele, ndipo anguŵatuzgapo pa maso pawo, pengavi yumoza wangujapo kweni khamu laku Yuda pe.

2 ŴaKaronga 17:20

Viyo Ambuya ŵangujowo mphapu yaku Yisraele anguŵayuzga ndipo anguŵapereka mu janja la ŵakunanga mpaka penipo anguŵadikiskapo pa chisku chawo.

2 ŴaKaronga 17:23

mpaka, penipo Ambuya angumutuzgako Yisraele ku maso ghawo, nge ndimo angurongolere mu ŵateŵeti ŵawo wose ŵamchimi. Viyo Yisraele wangutuzgikamo mu charu chapa mtima wawo kuya ku Asiriya mpaka zuŵa lino.

2 ŴaKaronga 24:20

Pakuti chifukwa cha ukari wawo chingufiskika ichi mu Yerusalemu ndi Yuda Ambuya anguŵadikiska pa maso ghawo. Ndipo Zedekiya wangugaruka ku karonga wa Babiloni.

Sumu 105:8

Wakasunganga dangu lake muyaya, mapanganu ghake ku migonezi chikwi (1,000).

Sumu 105:9

Phanganu lo wangupangana ndi Abrahamu, ndi rapu lake kwaku Yisaki,

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 51:11

Rekani kunditaya kutali; kundituzga pa maso pinu, ndipo mureke kutuzgako kwangu mzimu winu wakupaturika.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Chituwa 33:19

Ndipo iwo anguti, “Ndikachitanga kuti umampha wangu wose ukadumuwanga paurongo pako, ndipo ndikaziŵiskanga zina langu paurongo pako lakuti, ‘Ambuya,’ ndipo ndikaŵanga wawezi kwaku mweniyo ndikhumba kuŵa wa wezi ndipo ndikarongonga lisungu paku yo ndirongonge lisungu.

Yeremiya 12:15

Ndipo nditakuti ndaŵazuwa, ndikaŵanga so ndi chifundu paku iwo, ndipo ndikaŵatolenga so yumoza ndi yumoza ku chihara chake ndi we yose ku charu chake.

Chitenje 3:32

chingana angapaska chitima, akaŵanga ndi lisungu, kwakuyana ndi uzari wa chifundu cha wo;

ŴaLevi 26:42

sono po ndipo nkhakumbukanga phanganu langu ndi Yakobe ndi phanganu langu ndi Yisaki ndi phanganu langu ndi Abrahamu, nkhakumbukanga charu cho.

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

2 ŴaTesalonika 1:9

Aŵa wose ŵakalangikanga ndi phasulu lamuyaya lakutuliya ku chisku cha Ambuya ndi ku unkhankhu wa nthazi zake,

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.