2 ŴaKaronga 13:14 - Tonga Bible 1986

¹⁴ Sono Elisha wanguti watama ndi urwali wakumutole ku nyifwa, Yoashi karonga waku Yisraele wanguruta kwaku iyo, ndipo wanguliya paurongo pake, wakuti “Ada! Magareta ghaku Yisraele ndi ŵapakavalo ŵake!”

2 ŴaKaronga 13:14 ပူးပေါင်းရင်းမြစ်များ

ŴaFilipi 2:26

pakuti waŵa wakumunwekani mose, ndipo wasuzgika ukongwa, chifukwa munguvwa kuti watama.

2 ŴaKaronga 2:12

Ndipo Elisha wanguchiwona ichi, wanguliya, “Ada! Ada! Magareta ghaku Yisraele ndi ŵanthu ŵake ŵa ŵakavalo!” Ndipo kuti wangumuwona so cha. Sono wanguto vivwalo vyamweneko ndi wanguviparuwa paŵi.

Yohane 11:3

Viyo ŵazichi wo ŵangutuma kwaku iyo, ŵakuti, “Ambuya bwezi linu lapa mtima watama.”

2 ŴaKaronga 20:1

Mu mazuŵa ghanigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, ndi wangunena nayo, “Viyo atiti Ambuya, ‘Rongoso umampha nyumba yako, pakuti ukafwanga, kuti ukachilanga cha.’ ”

Chiyambo 48:1

Pavuli paku ichi ŵangumunene Yosefe, “Ehe, ausu ŵatama,” viyo wanguruta ndi ŵana ŵake ŵanthurumi ŵaŵi, Manase ndi Efraimu.

Marko 6:20

chifukwa Herode wamopanga Yohane, pakumziŵa kuti wenga munthu murunji ndi wakupaturika, wamsungirizganga waka. Ndipo wachimuvwa wazizikikanga ukongwa; kweni wamuvwanga kwakukondwere.

Yesaya 57:1

Munthu murunji watufwa, ndipo palivi yo waphwereko mu mtima wake; ŵanthu ŵakusopa ŵatoreka, penipo palivi yo wawamo. Pakuti munthu murumji watorekako ku masoka,

Machitidu gha Ŵakutumika 13:36

Chifukwa nadi Davidi wati watataliya mu mgonezi wake khumbu lo laku Chiuta, wangura, ndipo wanguŵikika pamoza ndi ŵambuyake, ndipo wanguwona chivuzi;

Zekariya 1:5

Kumbi sono auskemwe ŵepani? Ndipo kumbi ŵamchimi, mbamoyo muyaya?

Ezekiele 22:30

Ndipo ndingupenjapenja munthu mukati mwawo yo wangwenere kuzenga linga ndi kuma mwakupasuka paurongo pangu chifukwa cha charu, mwakuti ndireke kuchipasuwa; kweni ndengavi kumusaniya.

Ezekiele 14:14

inya, chingana yaŵa ŵanthu ŵatatu. Nowa, Danyele, ndi Jobu ŵenga mwenimo ŵatine ŵataskenge maumoyo ghaku iwo ŵeneko pe kwakulingana ndi urunji wawo, atiti Ambuya Chiuta.

Nthanthi 11:11

Ndi chitumbiku cha wakunyoroka msumba ukuzgika, kweni uthereskeka ndi mlomo wa wamphulupulu.

Sumu 12:1

Ambuya, wovyani, chifukwa sono kulivi nanga njumoza yo watimuwopani imwe; pakuti ŵakugomekezga ŵaparghang'ika mukati mu ŵana ŵa ŵanthu.

2 ŴaKaronga 6:21

Penipo karonga wa ŵaYisraele wanguŵawona, wanguti kwaku Elisha, “Ada, kumbi ndiŵabaye? Kumbi ndiŵabaye?”

2 ŴaKaronga 13:12

Sono machitudu ghose ghaku Yoashi ndi vyose vyo wanguchita, ndi nthazi zo wenga nazo pakurwana ndi Amaziya karonga waku Yuda, asi vikulembeka mu Buku la Machitidu gha ŵaKaronga ŵaku Yisraele?

2 ŴaKaronga 13:13

Viyo Yoashi wangula pamoza ndi ŵambuyake wanguŵikika mu Samaria pamoza ndi wakaronga ŵaku Yisraele, ndipo Yeroboamu wanguja pa chitengu chake cha ukaronga.

2 ŴaKaronga 13:15

Ndipo Elisha wangunena nayo, “Uto uta ndi mivwi,” viyo wanguto uta ndi mivwi.

Chiyambo 49:33

Penipo Yakobe wangumara kuchinyiya ŵana ŵake wanguŵika marundi ghake pa chita, ndipo wangututa kwa umari, ndipo wanguunjikika ku mtundu wake.

Chiyambo 50:1

Sono Yosefe wanguwiya pa chisku cha awiske, ndipo wanguŵatenje ndi wanguŵafyofyontha.