2 ŴaKaronga 12:7 - Tonga Bible 1986

⁷ Chifukwa cho karonga Yehoyashi wangudana Yehoyada mzukuru yo ndi ŵazukuru ŵanyake, wanguŵafumba, “Chifukwa chine mureka kulongoso nyumba yo? Iku sono mungalondanga so ndrama zinyake cha kwaku wo muziŵirizgana nawo, kweni muzipereke ku kurongoso nyumba.”

2 ŴaKaronga 12:7 ပူးပေါင်းရင်းမြစ်များ

2 ŴaKaronga 11:4

Kweni mu chirimika cha chinkhondi ndi chiŵi Yehoyada wangutuma, ndipo wanguza nawo ŵarongozgi ŵa ŵina Karite, ndi ŵa ŵalonda, ŵanguza kwaku iyo mu nyumba ya Ambuya, po ŵanguti ŵachita nawo phanganu ndi kuŵalumbiriska mu nyumba ya Ambuya, wanguŵalongo mwana wa karonga.

2 ŴaKaronga 12:2

Ndipo Yehoyashi wanguchita cho chenga chakurunjika mu maso gha Ambuya mu mazuŵa ghake ghose, chifukwa Yehoyada mzukuru yo wamusambizganga.

2 ŴaKaronga 12:6

Kweni pa chirimika cha machumi ghaŵi pachanya vitatu cha karonga Yehoyashi ŵazukuru kuti ŵanguchita chirongoso pa nyumba yo cha.

2 ŴaKaronga 12:8

Viyo ŵazukuru ŵanguzomera kuti ŵareke kuronda ndrama zinyake ku ŵanthu, ndi kuti ŵareke kurongoso nyumba yo.

1 Mikoka 21:3

Kweni Yoabu wanguti, “Ambuya andaniskiyeko ŵanthu ŵawo ndi machumi pe chumi (100) nge ndimo ŵalili! Kweni mbuya wangu karonga, kumbi wose kuti mbateŵeti ŵa mbuyangu cha? Nchifukwa uli nanga mbuya wangu mukhumba chinthu ichi? Chifukwa nchine mutoleyenge kwananga paku Yisraele?”

2 Mikoka 23:1

Ndipo kunguŵa mu chirimika cha chinkhonde ndi chiŵi Yehoyada wangujikondweska, wanguto ŵarongozgi ŵa machumi pe chumi, Azariya mwana waku Yerohamu, ndi Ishumaeli mwana waku Yehohanani ndi Azariya mwana waku Obadi, ndi Maseya mwana waku Adaya, ndi Elishafati mwana waku Zikri, kuti ŵapangani nayo.

2 Mikoka 24:16

Wangumuŵika mu msumba waku Davidi mukati mu ŵakaronga, chifukwa wanguchita umampha mu Yisraele ndi kwaku Chiuta ndi ku nyumba yake.

Hagayi 1:2

“Viyo atiti Ambuya ŵa maŵanja: Ŵanthu yaŵa ŵatiti nyengo kuti yafikapo cha yakuzenge so nyumba ya Ambuya.”