2 ŴaKaronga 12:3 - Tonga Bible 1986

³ Kweni uli malo ghapachanya gha visopo ghengavi kutuzgikamo, ŵanthu ŵangurutiliya kupereka ndi kocha vyachema mu malo ghapachanya.

2 ŴaKaronga 12:3 ပူးပေါင်းရင်းမြစ်များ

1 ŴaKaronga 15:11

Ndipo Asa wanguchita chochenga chakurunjika mu maso gha Ambuya, ulaka ndimo Davidi awiske ŵanguchitiya.

1 ŴaKaronga 15:14

Kweni malo gha pachanya kuti ghangutuzgikamo cha. Ndipuuli mtima waku Asa wenga wauneneska kwakufikapo ku Ambuya mu mazuŵa ghake ghose.

1 ŴaKaronga 22:43

Wangwenda mu nthowa yose yaku Asa awiske, kuti wangupatukako cha kwaku yo, wanguchita cho nchamampha mu maso gha Ambuya, kweni malo gha pachanya ghengavi kutuzgikapo. Viyo ŵanthu ŵenga ŵeche kupereka ndi kocha vyachema pa malo gha pachanya.

2 ŴaKaronga 12:2

Ndipo Yehoyashi wanguchita cho chenga chakurunjika mu maso gha Ambuya mu mazuŵa ghake ghose, chifukwa Yehoyada mzukuru yo wamusambizganga.

2 ŴaKaronga 14:4

Kweni malo gha visopo gha pachanya kuti ghangutuzgikamo cha, ŵanthu ŵangurutiliya kupereka mpasku ndi kocha vyachema mu malo ghapachanya.

2 ŴaKaronga 15:3

Ndipo wanguchita cho chenga chakurunjika mu maso gha Ambuya, kwakuyana ndi chose cho wanguchita Amaziya awiske.

2 ŴaKaronga 15:35

Ndipuuli malo ghavisopo vya ngoza ghengavi kutuzgikapo; ŵanthu ŵenga ŵeche kupereka sembe ndi kocha vyachema pa malo gha pachanya. Ŵanguzenga likomo la pachanya la nyumba ya Ambuya.

2 ŴaKaronga 15:4

Ndipuuli malo ghavisopo gha pachanya ghengavi kutuzgikapo; ŵanthu ŵaperekanga mbwenu sembe ndi kocha vyachema pa malo gha pachanya.

2 ŴaKaronga 18:3

Ndipo wanguchita cho chenga chakurunjika mu maso gha Ambuya kwakuyana ndi vyose vyo awiske Davidi wanguchita.

2 ŴaKaronga 18:4

Wangutuzgamo malo gha pachanya, ndi wanguguinuliya pasi vigaŵa ndi kudumuliya pasi Asera. Wangudumuwa tumanatumana njoka ya mkuŵa yo wangupanga Mosese, pakuti mpaka kufika ku mazuŵa gho ŵaYisraele ŵangoche vyachema kwaku yo, yadanikanga chimkuŵa.

2 ŴaKaronga 22:2

Wanguchita cho chenga chakurunjika mu maso gha Ambuya, wangwenda munthowa zose zaku Davidi awiske, ndipo wengavi kung'anamukiya ku marghe pamwenga ku maze.

2 Mikoka 31:4

Ndipo so wangulanguliya ŵanthu wo ŵajanga mu Yerusalemu kupereka phande lakwenere ŵazukuru ndi ŵaLevi mwakuti ŵajipereke ku dangu la Ambuya.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.