2 ŴaKaronga 12:13 - Tonga Bible 1986

¹³ Kweni kuti ŵangupangiyamo cha mu nyumba ya Ambuya mabeseni gha siliva, visunda vya nyale, ŵabakuli, malipenga, pamwenga chiyaŵi che chose cha golide, pamwenga cha siliva, ndi ndrama zo zaperekekanga mu nyumba ya Ambuya,

2 ŴaKaronga 12:13 ပူးပေါင်းရင်းမြစ်များ

2 ŴaKaronga 12:14

ziya zalipikanga ku ŵakutakataka pe ŵeniwo ŵarongosonga nyumba ya Ambuya.

2 Mikoka 24:14

Wanguti ŵamara, ŵanguza nazo ndrama zo singujapo ku karonga ndi kwaku Yehoyada, ndipo ŵanguchita nazo nchitu ya vyakuteŵete mu nyumba ya Ambuya, vyose vyakuteŵete mu nyumba ndi vyakuchitiya sembe zakocha, ndi so viyaŵi vya vyakununkhira ndi viyaŵi vya golide ndi siliva. Ndipo ŵangupereka sembe zakocha mu nyumba ya Ambuya rutaruta, mu mazuŵa ghose ghaku Yehoyada.

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

Chituwa 25:38

Vyakuzimwiya vyake ndi malipalu ghake vikaŵanga vya golide.

Maŵerengedu 10:2

“Ujichitiye mbata ziŵi za siliva uchite zakusula; ziŵe zakudana ŵanthu pakuwungana, ndi kuchiska pa ugoŵi kwenda ulendo,