2 ŴaKaronga 11:12 - Tonga Bible 1986

¹² Sono wangutuzga mwana wa karonga wangumuvwarika chifuku wangumupaska phanganu, ndipo wangumumemeza kuti ndi karonga, wangumupaka mafuta, sono wose ŵangumba manja ghawo ndi ŵanguti, “Waŵe ndi umoyo utali karonga!”

2 ŴaKaronga 11:12 ပူးပေါင်းရင်းမြစ်များ

2 Samuele 1:10

Viyo ndinguma pafupi nayo ndingumugwaza, chifukwa ndenga muneneska kuti, kuti wakaŵanga so ndi umoyo cha po wawa pasi; ndipo ndinguto mphumphu yo yenga ku mutu wake ndi goza lo lenga pa janja lake, ivi ndapinga kuzachipaska mbuyangu.”

2 Samuele 12:30

Ndipo wanguto chifuku cha karonga wawo ku mutu wake; cho uzitu wake wenga talente la golide, mukati mwake mwenga mwa wakuzirwa; ndipo chinguŵikika pa mutu waku Davidi. Ndipo wangutuzgamo muskowo unandi ukongwa mu msumba wo,

2 Samuele 16:16

Ndipo wanguti waza Hushai mu Arki, mubwezi waku Davidi, kwaku Absalomu, Hushai wangunena ndi Absalomu, “Muŵe ndi umoyo karonga! Muŵe ndi umoyo karonga!”

2 Samuele 2:4

Ŵanguza ŵanthu ŵaku Yuda, ndipo kwenikuwa ŵangupaka Davidi karonga pa nyumba yaku Yuda. Wanguti ŵamunene Davidi, “Mbanthu ŵaku Yabeshe-Gileada wo ŵanguŵika Sauli,”

2 Samuele 2:7

Mu chifukwa ichi manja ghinu ghakhozgeke, muŵe vinkhara; pakuti mbuyamwe Sauli wakufwa, ndipo nyumba yaku Yuda yapakaine kuŵa karonga wawo.”

2 Samuele 5:3

Viyo ŵara wose ŵaYisraele ŵanguza ku karonga pa Hebroni; ndipo karonga Davidi wangupangana nawo phanganu pa Hebroni pa maso pa Ambuya, ndipo ŵangumupaka Davidi kuŵa karonga pa ŵaYisraele,

1 ŴaKaronga 1:25

Chifukwa wasika msana wale wapereka sembe yang'ombe, vyakututuŵa, ndi mberere zinandi ukongwa, ndipo wadana ŵana wose ŵa karonga, Yoabu mura wankhondo ndi Abiatara mzukuru; ndipo ehe, ŵaturgha ndi kumwa paijrongo pake, ndipo ŵatiti, ‘Waive wa umoyo utali karonga Adoniya!’

1 ŴaKaronga 1:34

ndipo Zadoki mzukuru ndi Natani mchimi ŵamupake mafuta kuŵa karonga wa Yisraele kwenikuwa; ndipo mukuŵi mbata, ndi munene kuti, ‘Waŵe waumoyo utali karonga Solomoni!’

1 ŴaKaronga 1:39

Kwenikuwa Zadoki mzukuru yo wanguto sengwe la mafuta muhema, wangupaka Solomoni. Pavuli ŵangukuŵa mbata, ndipo ŵanthu wose ŵanguti, “Waŵe wa umoyo utali karonga Solomoni!”

1 ŴaKaronga 2:44

Karonga wanguti kwaku Shimei, “Uziŵa mu mtima wako mauheni ghose gho unguchitiya ada Davidi; viyo Ambuya akawezgiyanga uheni wako pa mutu waku wamweni.

2 ŴaKaronga 11:11

ndipo ŵalonda ŵanguma, we yose ndi vidya vyake mu janja, kwamba ku malaŵi kwa nyumba mpaka ku nkhonde kwa nyumba yo, kuzunguliya jochero ndi nyumba.

2 ŴaKaronga 11:2

Kweni Yehosheba, mwana munthukazi wa karonga Yoramu, mzichi waku Ahaziya, wanguto Yoashi mwana waku Ahaziya ndi wangumuba mukati mu ŵana ŵa karonga wo ŵatinge ŵabayikenge, ndipo wangumuŵika iyo pamoza ndi mlezi wake mu chipinda chakugonamo. Viyo ndimu wangumubisiya kwaku Ataliya, reka wengavi kubayika,

2 ŴaKaronga 11:4

Kweni mu chirimika cha chinkhondi ndi chiŵi Yehoyada wangutuma, ndipo wanguza nawo ŵarongozgi ŵa ŵina Karite, ndi ŵa ŵalonda, ŵanguza kwaku iyo mu nyumba ya Ambuya, po ŵanguti ŵachita nawo phanganu ndi kuŵalumbiriska mu nyumba ya Ambuya, wanguŵalongo mwana wa karonga.

2 ŴaKaronga 9:13

Sono mwaruŵi we yose waku wo wanguto chivwaro chake wanguchitandika pasi pake pa makwelero, ŵangumba mbata ndipo ŵangumemeza, “Yehu ndi karonga.”

2 ŴaKaronga 9:3

Sono ukato supa ya mafuta, ukamupunguliye pa mutu ndi ukamunene, ‘Viyo atiti Ambuya, nditukupaka kuŵa karonga paku Yisraele.’ Pavuli ukajure chisasa ukathaŵe, kwachiswera cha.”

2 Mikoka 23:11

Ndipo ŵangutuzga mwana wa karonga ŵangumuvwarika mphumphu ndi kumlanga marangu; ndipo ŵangumumika kuŵa karonga. Yehoyada ndi ŵana ŵake ŵangumpaka mafuta, ŵanguti, “Waŵi ndi umoyo utali karonga.”

Estere 2:17

ndipo karonga wangumwanja Estere kuruska ŵanthukazi wose, ndipo wangusaniya wezi ndi ulemu mu maso ghake kuruska ŵanyake, viyo wangumvwarika mphumphu ya ufumukazi pa mutu wake ndi kumuŵika fumukazi mu malo ghaku Vashite.

Estere 6:8

vitoreke vyakuvwara vya karonga vyo wavwara karonga, ndi kavalo yo karonga wakwerapo, ndi chisoti cha ufumu cho karonga wavwara pa mutu wake;

Sumu 132:18

Ŵarwani ŵake ndikaŵavwarikanga soni, kweni paku iyo mweneko chifuku chake chikaperekanga kuŵala.”

Sumu 21:3

Chifukwa mwakumana nayo ndi vitumbiku vyamampha, mukuŵika pa mutu wake chifuku cha golide lakwengeka.

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

Sumu 47:1

Mwa ŵanthu mose kuŵammanja! Bongoliyani Chiuta ndi kukambura mu sumu za kukondwa!

Sumu 78:5

Angupereka malangulu ku ŵanthu ŵaku Yisraele, ndi marangu ku mphapu yaku Yakobe. Angupereka virunguchizgu ku auskefwe kusambizga malangulu ghawo ku ŵana ŵawo,

Sumu 89:39

Mwazimwa phanganu ndi mteweti winu, chifuku chake mwataya mu fuvu.

Sumu 98:8

Mwa ŵazandi namwe kuŵani manja; mitunthu, yikondwerenge pamoza paurongo pa Ambuya,

Chituwa 25:16

Ndipo mukaŵikanga mu bokosi mabuku gha phanganu gho ndikakupaskaninga.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Yesaya 55:12

“Pakuti mukatuwanga ndi likondwa, ndi kurongozgeka mu chimangu; mapiri ndi mitunthu vikambanga paurongo pinu, ndipo miti ya mudondo yikakuwanga manja ghawo.

Yesaya 8:16

Umange ukaboni, zingiriyi kusambizga ko mukati mu ŵasambizi ŵangu.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

Danyele 3:9

Ŵanguti ku karonga Nebukadanezara, “Imwe karonga mujaririye ŵamoyo!

Danyele 6:21

Ndipo Danyele wanguti ku karonga,

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Mateyu 27:29

Ndipo ŵati ŵapika ndumbu ya minga ŵanguyiŵika pa mutu wake ndi dete mu janja lake lamarghe: ndipo pakumulambiya paurongo ŵangumtoza ŵakuti, “Mauleni, karonga wa ŵaYuda!”

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,

2 ŴaKorinte 1:21

Ndipo ndi Chiuta yo watikhozge pamoza namwe mwaku Kristu, watipaska kutipatuwa;

ŴaHebere 1:9

Mwanja urunji, ndipo mwatinkha uchikana marangu; chifukwa chenichi Chiuta, Chiuta winu, wamtukutizgiyani ndi mafuta gha chimwemwe kwakuzungura ŵanase ŵinu.”

ŴaHebere 2:9

Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.

Chivumbuzi 19:12

Maso ghake ghenga uli ndi mlipu wa moto, ndi pa mutu pake penga vifuku vinandi; we ndi zina lakulembeka, lenilo palive yumoza waziŵa kweni mwenecho yija.

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 10:24

ndipo Samuele wanguŵafumba ŵanthu wose, “Kumbi mutimuwona yo Ambuya atondo? Palivi nanga jumoza wakuyana nayo mu ŵanthu wose.” Ndipo ŵanthu wose ŵangukambura, “Waŵe ndi umoyo utari karonga.”

1 Samuele 16:13

Samuele wanguto supa ya mafuta, wangumupaka kumupatuwa mukati mu ŵabali ŵake; ndipo mzimu wa Ambuya unguza ndi nthazi paku Davidi kutuliya pa zuŵa liya mpaka ku urongo. Samuele wangusoka, ndi kuruta ku Rama.