2 ŴaKaronga 10:11 - Tonga Bible 1986

¹¹ Viyo Yehu wangubaya wose wo ŵangujapo ŵa nyumba yaku Ahabu mu Yezerele, ŵanthu ŵake wose ŵakuzirwa, ndi mabwezi ghakuziŵirizgana nagho ndi ŵazukuru ŵake, ndipo kuti ŵangumusiriyapo so nanga njumoza wamoyo cha.

2 ŴaKaronga 10:11 ပူးပေါင်းရင်းမြစ်များ

1 ŴaKaronga 14:10

viyo ehe, ndikatolenga uheni pa nyumba yaku Yeroboamu, ndipo ndikadumuwangako kwaku Yeroboamu munthurumi yose, wose muŵanda ndi mwanangwa mu Yisraele, ndipo ndikamariyanga limu nyumba yaku Yeroboamu, ulaka ndimo munthu watoche ulongo mpaka penipo wamara.

1 ŴaKaronga 15:29

Ndipo ruŵi wati waŵa karonga, wangubaya nyumba yose yaku Yeroboamu, kuti wangurekako yumoza cha wakututa wa nyumba yaku Yeroboamu, mpaka penipo wanguyimara, kwakukozgana ndi mazu gha Ambuya gho angukambiya mu muŵanda wawo Ahija muShilo;

1 ŴaKaronga 16:11

Penipo wangwamba kuwusa, po wanguti waka jepo pa chitengo, wangubaya ŵanyumba yose yaku Basha; wengavi kumusiyapo nanga njumoza wa ŵabali ŵake pamwenga mabwezi ghake.

1 ŴaKaronga 18:19

Viyo sono tuma ndi uwungang'e ŵaYisraele wose kwangu pa phiri Karmele, ndi ŵamchimi machumi pe chumi ghanayi ndi machumi ghankhonde (450) ŵaku Bala ndi ŵa mchimi machumi pe chumi ghanayi (400) ŵaku Ashera, ŵeniwo ŵaturgha pa gome laku Yezebelu.”

1 ŴaKaronga 18:40

Ndipo Eliya wanguti kwaku wo, “Ŵakoni ŵamchimi ŵaku Bala, mungarekapo yumoza kuti wathaŵa cha.” Ndipo ŵanguŵako; sono wangusikiya nawo ku kamsinji ka Kishoni, ndipo ŵanguŵabayiya kwenikuwa.

1 ŴaKaronga 21:22

ndipo ndikayichitanga nyumba yako nge ndi nyumba yaku Yeroboamu mwana waku Nebati, ulaka ndi nyumba yaku Basha mwana waku Ahija, chifukwa cha ukari wo wandisosomoliyako, ndi chifukwa chakuti wachitiska Yisraele kulakwa.

1 ŴaKaronga 21:29

“Kumbi wawona mo wajiyuyuliya Ahabu paurongo pangu? Chifukwa chakuti wajiyuyuwa, kuti ndikatolenga suzgu yo mu mazuŵa ghake cha, kweni mu mazuŵa gha ŵana ŵake ndikatolenga suzgu yo pa nyumba yake.”

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

2 ŴaKaronga 10:12

Sono wangusoka wanguruta ku Samaria. Mu nthowa, po wenga pa Bete-ekedi wa ŵaliska,

2 ŴaKaronga 23:20

Wangubaya ŵazukuru wose ŵa malo gha pachanya wo ŵenga mwenimuwa, wanguŵabayiya pa majochero ndipo wangocha viwanga vya ŵanthu pachanya pake.

2 ŴaKaronga 9:7

Ndipo ukabwanganduliyanga pasi nyumba yaku Ahabu mbuyako, alinga nditaye thayu paku Yesebelu ndopa za ŵateŵeti ŵangu ŵamchimi, ndi ndopa zaku wose ŵateŵeti ŵa Ambuya.

2 ŴaKaronga 9:9

Ndikayichitanga nyumba yaku Ahabu uli ndi nyumba yaku Yeroboamu mwana waku Nebati, ndi uli ndi nyumba yaku Basha mwana waku Ahija.

2 Mikoka 22:7

Pharghaniko laku Ahaziya lenga laku Chiuta, chifukwa chakuza chiwona Yoramu. Chifukwa wanguti waza, mbwenu waruta pamoza ndi Yehoramu kwachirwana ndi Yehu mwana waku Nimishi, yo Chiuta wangumika ndi kumpaka kuti waparghang'e nyumba yaku Ahabu.

2 Mikoka 22:8

Ndipo kunguŵa po Yehu wafiskanga cheruzgu pa nyumba yaku Ahabu, wangusaniya ŵakaronga ŵaku Yuda, ndi ŵana ŵa ŵabali ŵaku Ahaziya ŵamteŵetiyanga Ahaziya, ndipo wanguŵabaya.

Jobu 18:19

Kuti wasiya mphapu cha mukati mu ŵanthu ŵake, ndipo palive wamoyo wakujapo po wajanga.

Sumu 109:13

Mphapu yake yose yakuza kuvuli yifwe, ndipo mu mgonezi wo utuza zina lake liruwike.

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Nthanthi 13:20

Mweniyo watenda pamoza ndi ŵanthu ŵazeru, wasanduka kuŵa wa zeru, kweni wakukwatikana ndi wakupusa wakapotekekanga.

Hoseya 1:4

Ndipo Ambuya anguti kwaku Hoseya, “Umudani mwana yo zina lakuti, Yezerele; chifukwa kwaja nyengo yimanavi nkhalanganga nyumba yaku Yehu chifukwa cha ndopa zaku Yezerele, ndipo ndituzgengepo ufumu pa nyumba yaku Yisraele.

Yoswa 10:30

ndipo Ambuya anguwupereka uwu nawo ndi karonga wake mu janja laku Yisraele; wanguwukoso ndi lipanga, wangubaya munthu yose wakuŵamo; wengavi kusiyako kanthu; ndipo wanguchita ku karonga wake nge ndimo wanguchitiya ndi karonga waku Yeriko.

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Yoswa 15:56

Yezerele, Yokodeama, Zanoa,

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.