2 ŴaKaronga 1:2 - Tonga Bible 1986

² Sono Ahaziya wanguwa kuporota pa dangazi mu chipinda chake cha pachanya mu Samaria, ndipo wangutama, viyo wangutuma mathenga wakuti, “Rutani, kafumbeni kwaku Bala-zebubi, chiuta waku Ekroni, vinu ndikachilanga ku utenda uwu.”

2 ŴaKaronga 1:2 ပူးပေါင်းရင်းမြစ်များ

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 14:3

Upingi viŵande chumi, makeki, ndi barasuma wa uchi, ndipo ruta kwaku mweniyo, wamkukunene chenicho chikaŵiyanga mwana.”

1 ŴaKaronga 22:34

Kweni munthu yumoza wanguto uta wake wangupong'a muvwi chipong'ipong'i ndipo wangurasa karonga ŵa Yisraele pakati pa nguru ndi chivekeru chapa chifuŵa; viyo wangudana ku wakwendeska gareta lake, “Ng'anamuka, ndinyamuwe undituzgemo mu homwa, chifukwa ndarasika.”

1 ŴaKaronga 22:40

Viyo Ahabu wangugona pamoza ndi awiske, ndipo Ahaziya mwana wake wanguwusa mu malo ghake.

2 ŴaKaronga 1:16

wanguti kwaku iyo, “Ambuya atiti, ‘Watuma mathenga kwachifumba kwaku Balazebubi chiuta waku Ekroni, kumbi nchifukwa chakuti mulivi Chiuta mwaku Yisraele kufumba iyo cho wangakamba? Chifukwa cho kuti ukasikangapo cha pachita cho ugonapo, kweni nadi ukafwanga.’ ”

2 ŴaKaronga 1:3

Kweni mungelo wa Ambuya wanguti kwaku Eliya mu Tishibi, “Soka ukwere kwachikumana ndi mathenga gha karonga waku Samaria, ndipo ukaghafumbe, ‘Kumbi nchifukwa chakuti mulivi Chiuta mwaku Yisraele po muruta kwachifumba Bala-zebubi chiuta waku Ekroni?

2 ŴaKaronga 1:6

Iwo ŵanguti kwaku iyo, “Kunguza munthu kuzachikumana nafwe, ndipo wangunena nafwe, ‘Wereni ku karonga yo wakutumani, mukamunene kuti, Viyo ndimo akambiya Ambuya, Kumbi nchifukwa chakuti mulivi Chiuta mwaku Yisraele, kuti mutuma kwachifumba kwaku Balazebubi, chiuta waku Ekroni? Pa chifukwa ichi kuti ukasikangapo cha pa chita po wagona, kwakuneneska ukafwanga.’ ”

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

Jobu 31:3

Kumbi kuti soka liwiya ŵakulakwa cha, ndi masuzgu kuti ghawiya ŵakuchita ubendezi cha?

Sumu ya Zisumu 2:9

Nkhwanjiwa wangu walingana ndi mphoyo, pamwenga mwana wa mbaŵa. Awonani, ndi yuwa wama kuwa kurweka kwa linga lidu, walereska mukati pa madangazi, walingizga mu tumphuwu tufinyi.

Yesaya 19:3

mzimu wa ŵaEgipiti mukati mwawo yikakhutulikanga, ndikatimbanizganga vyo ŵarongoso; ndipo wakafumbiriyanga ku ŵangoza ndi ŵavyanusi, ndi ŵakuukwa ndi zifwiti,

Yesaya 2:6

Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.

Yesaya 37:12

Kumbi ŵachiuta ŵa mitundu ŵakuyitaska, mitundu yeniyo ada ŵanguphwanya, Gozani, Harani, Rezefi, ndi ŵanthu ŵa Edeni wo ŵenga mu Tekasara?

Yesaya 37:19

ndipo ŵapong'a pa moto ŵachiuta ŵawo; pakuti kuti ŵenga ŵachiutadi cha, kweni ndi nchitu ya manja gha ŵanthu miti ndi mya; chifukwa chenichi ŵakuphwanyika.

Mateyu 10:25

Nkhwakukwaniya msambizi kuti waŵe nge ndi msambizgi wake, ndi mteŵeti nge ndi mbuyake. Asani mweninyumba ŵatimzumbuwa Belzebule, uli ukongwa kwakuruska ŵamunyumba yake?

Marko 3:22

Ndipo ŵalembi wo ŵangusika ku Yerusalemu ŵatinge, “We ndi Belzebule; ndikuti, ndi fumu yo ŵademone waŵatuzga ŵademone.”

Luka 11:15

Kweni ŵanyake ŵamwaku wo ŵanguti, “Mwaku Belzebule, mura wa ŵademone, waŵatuzgiya ŵademone.”

Machitidu gha Ŵakutumika 20:9

Ndipo jaha limoza, zina lake Eutuko, wajanga pa dangazi, wakuzotopa ndi tulo tukuru; ndipo, wachitaula Paulo kwakurutiriya, pakugompho iyo ndi tulo, wanguwa pasi kutuwa ku dangazi lamuchanya lapatatu, ndipo wangunyamulika wakufwa.

Yoswa 15:11

yituwa ndi kufika ku mtunthu waku nkhonde ku Ekroni, po mphaka yizunguliya ku Shikeroni, ndi kurutiliya ku phiri Bala, yituwa kurazga ku Yabanele, sono yituza ku chigoti ku nyanja.

Ŵeruzgi 11:24

Kumbi iwe kuti ukaharanga cho chiuta wako Kamoshi watukupaska ku hara cha? Ndikuti chose cho Ambuya Chiuta widu wakwamphuwa paurongo pidu ifwe nafwe tikachiharanga.

Ŵeruzgi 5:28

“Wangulingirizga pa dangazi, nyina waku Sisera wangulereske mu fyakanya mwa miti yapa dangazi; ‘Gareta lake latoliyanje nyengo yitali kuweko? Chifukwa chine waswera mdinu wa marundi gha magareta ghake?’

1 Samuele 5:10

Viyo ŵangutuma bokosi la phanganu laku Chiuta ku Ekroni. Linguti lafika bokosi laku Chiuta ku Ekroni, ŵanthu ŵaku Ekroni ŵangubongo ŵakuti, “Watiziya ifwe ndi bokosi laku Chiuta waku Yisraele kwazitibaya ifwe ndi ŵanthu ŵidu.”