2 ŴaKaronga 1:10 - Tonga Bible 1986

¹⁰ Kweni Eliya wangwamuka nduna ya nkhondo ya liŵanja la machumi ghankhonde, “Asani ine nde munthu waku Chiuta, moto usike kutuliya kuchanya ku kupirizga iwe ndi ŵanthu ŵako.” Sono moto ungusika kutuwa kuchanya, ndipo ungumara iyo ndi ŵanthu ŵake machumi ghankhonde.

2 ŴaKaronga 1:10 ပူးပေါင်းရင်းမြစ်များ

1 ŴaKaronga 22:28

Ndipo Mikaya wanguti, “Asani wamuwe mu chimangu, iku Ambuya kuti angukambiya mwangu cha.” Ndipo iyo wanguti, “Avwani, mwa ŵanthu!”

2 ŴaKaronga 1:11

Karonga wanguwerezgapo kumutumiya nduna yinyake ya liŵanja la machumi ghankhonde ndi ŵanthu ŵake, ndipo wangukweriyako, wanguti kwaku iyo, “Wa munthu waku Chiuta we, ili ndi langulu la karonga, ‘Usike ruŵi!’ ”

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Jobu 1:16

Weche kukamba, wanguza munyake yo wanguti, “Moto waku Chiuta ungusika kuchanya ndi ungocha mberere ndi ŵaliska ndi kuŵamara, ndipo ine ndija ndine ndapozomoka kuzachikunene.”

Sumu 105:15

Wanguti, “Rekani kukwaska ŵateŵeti ŵangu ŵakusankhika; ŵamchimi ŵangu mungaŵachitiyanga uheni cha!”

Sumu 106:18

moto ungusikiya pa mpingu wawo ndipo ungocha ŵanthu ŵaheni ŵa.

Danyele 3:22

Chifukwa dangu la karonga lenga lakukho, ndipo ng'anjo yengo yakocha ukongwa, mlipu wa moto ungubaya wo ŵangunyamuwa Shadreke, Mesheke, ndi Abedenego.

Danyele 3:25

“Inya, karonga.” Wanguti, “Kweni ine ndiwona ŵanthu ŵanayi ŵakufwatulika ŵatenda mukati mu moto ndipo kuti mbakocheka cha; kweni kawonekedu ka wachinayi kalingana nge ndi mwana wa ŵachiuta.”

Danyele 6:24

Ndipo karonga wangulangula, ndipo ŵanthu ŵa ŵangupacha Danyele ŵangutoreka ndi ŵangupong'eka mu zenje la nkharamu, iwo, ŵana ŵawo, ndi ŵawoli ŵawo; ndipo ŵenga ŵandafike pasi pa zenje, nkharamu zinguŵaparuwa ndi kuvikita viwanga vyawo vyose.

ŴaLevi 10:2

Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya.

Maŵerengedu 11:1

Ndipo Ambuya anguvwa po ŵanthu ŵadinginikanga gha soka lawo; ndipo pakuvwa, ukari wawo ungukole, moto wa Ambuya ungunyeka mu ugoŵi wawo, kupirizga wo ŵenga mu mphepete mwa ugoŵi.

Maŵerengedu 16:35

Ndipo moto wakutuwa ku Ambuya, unguŵamara ŵanthu machumi pe chumi ghaŵi pachanya machumi ghankhonde (250) wo ŵangupereka vyakusunkhizga.

Mateyu 21:41

Ŵamnene, “Waŵanangenge uheni ŵaheni ŵa, ndipo munda wa mphereska wapazgiyenge ku ŵalimi ŵanyake, ŵeniwo ŵamuwezgiyenge vipasi vyo mu nyengo zawo.”

Luka 9:54

Kweni ŵanguti ŵawona chenichi ŵasambizi ŵake Yakobe ndi Yohane, wanguti, “Ambuya, mukhumba kwari kuti tidane moto kusikako kuchanya ndi kuŵananga?”

Machitidu gha Ŵakutumika 12:19

Ndipo penipo Herode wangumlembe kwambura kumsaniya, wanguŵafumbiriya ŵaronda, ndipo wangulangula kuti ŵabayike. Sono pakutuwa ku Yuda ndi kusikiya ku Kaisarea, watandaranga kweniko.

ŴaHebere 12:29

chifukwa nadi Chiuta widu ndi moto wakunyeka.

Chivumbuzi 11:5

Ndipo asani yumoza wakhumba kuŵapweteka, moto utuwa mu mlomo wawo, ndi kocha ŵamawongu ŵawo: ndipo asani yumoza waŵapweteka, wa viyo watenere wabayike.