2 Timote 4:3 - Tonga Bible 1986

³ Chifukwa yikazanga nyengo penipo ŵarekenge kuvwiyapo chisambizgu cho chizirima kweni pakuŵa ndi makutu ghakunyenye, ŵajiunjikiyenge ŵasambizgi kwakuyana ndi malikhumbira ghaku ŵija;

2 Timote 4:3 ပူးပေါင်းရင်းမြစ်များ

1 ŴaKaronga 18:22

Eliya wanguti ku ŵanthu, “Ine, ndipo ine pe, ndine ndajapo mchimi wa Ambuya; kweni ŵa mchimi ŵaku Bala mbanthu wo ŵe machumi pe chumi ghanayi ndi machumi ghankhonde (450).

1 ŴaKaronga 22:18

Sono karonga ŵaYisraele wanguti kwaku Yehosafati, “Kumbi ndengavi kukunene kuti, kuti wachimenge ghamampha paku ine cha, kweni ghaheni?”

1 ŴaKaronga 22:8

Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

Chituwa 32:33

Kweni Ambuya anguti kwaku Mosese, “We yose yo wandilakwiya Ine, mweniyo ndiyo ndikasisitanga mu buku langu.

Yesaya 28:12

kwaku wo weke “Ichi nchipumulu; pumuzgani ŵakuvuka, ndipo uku nkhuweremo nthazi;” ndipuuli kuti ŵatuvwa cha.

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 27:9

Viyo rekani kutegherezga ku nchimi zinu, ŵavyanusi ŵinu, ŵakulota ŵinu, wakombeza ŵinu, pamwenga ŵakuwukwa ŵinu, ŵeniwo ŵatimuneniyani, ‘Kuti mukateŵetiyanga karonga wa Babiloni cha.’

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Luka 20:19

Ndipo ŵalembi ndi ŵazukuru ŵara ŵangulembe kumko ku manja mu ora leniliya; ndipo ŵangopa khamu lo; chifukwa ŵanguziŵa kuti paku iwo wangutayiya ntharika yeniyi:

Luka 6:26

“Owe, penipo ŵanthu wose ŵakambiyenge kwakunozga paku imwe! Pakuti kwakulinganalingana ŵauskeu ŵachitiyanga ŵamchimi ŵatesi.

Yohane 8:45

Kweni chifukwa ine ndikamba uneneska, kuti muvwana nane cha.

Machitidu gha Ŵakutumika 17:21

Viyo tikhumba kuziŵa vyenivi vingaŵa uli, kweni ŵaAthene wose ndi ŵalendo ŵakuja kweniko kuti ŵafwasiyanga kanyake so cha, kweni kukamba ndi kuvwapo kanthu kafya.

1 ŴaKorinte 2:1

Ndipo ine, mwa ŵabali, ndichiza kwinu, kuti ndinguziya kumutauliyani uthenga waku Chiuta mu mphekuru pamwenga mu zeru waka cha.

1 ŴaKorinte 2:4

Mazu ghangu ndi chitaula changu kuti vinguŵa mu mazu ghakuwoja gha zeru waka cha, kweni mu karongoledu ka Mzimu ndi ka nthazi:

ŴaGalatia 4:16

Viyo na, kumbi ndaŵa wamawongo winu pakumuneneskiyani?

1 Timote 1:10

ŵareŵi, ŵakura ndi ŵanthurumi, ŵachivwamba, ŵatesi, ŵakurapa kwautesi, ndi kose kanyake asani kamikirana ndi chisambizgu chizirima;

2 Timote 1:13

Koreskanga chandiru cha mazu ghazirima ghenigho wavwa kwangu, mu chivwanu ndi chanju chamwaku Kristu Yesu.

Yuda 1:18

ŵanguti kwaku imwe, “Pa nyengo ya umari paŵenge ŵakuwera, ŵakwenda uli ndi maulakalaka gha uwura uwopa Chiuta waku ŵija.”