2 Timote 3:9 - Tonga Bible 1986

⁹ Kweni kuti ŵakarutiriyanga cha; chifukwa uzereza wawo uwonekenge kwaku wose, uli ndimo unguwoneke wo waku ŵa.

2 Timote 3:9 ပူးပေါင်းရင်းမြစ်များ

1 ŴaKaronga 22:25

Mikaya wanguti, “Ehe, wazamuwona pa zuŵa liya penipo ukaserenga mu chipinda cha mukati ukongwa kwachibisama.”

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Chituwa 7:11

Sono Farao wangudana ŵazeru ndi ŵavyanusi, ndipo so, ŵakuwukwa ŵaEgipiti ŵanguchita kwakukozgana ndi mayera ghawo.

Chituwa 7:12

Pakuti we yose wangupong'a pasi ndodo yake, ndipo yingusanduka njoka. Kwena ndodo yaku Aroni yingumeza ndodo zawo.

Chituwa 9:11

Ndipo ŵamayera kuti ŵanguziŵa kuma cha paurongo paku Mosese chifukwa cha vitupatupa, pakuti vitupatupa vyenga pa ŵamayera ndi pa ŵaEgipiti wose.

Yeremiya 37:19

Kumbi ŵepani ŵamchimi ŵako wo ŵanguchima kwaku iwe, kuti, ‘Karonga waku Babiloni kuti wakazanga cha kumikana nawe ndi kumikana ndi charu ichi?’

Luka 6:11

Ndipo iwo ŵanguzazika ndi ukari ndipo ŵakambirananga cho ŵangamchitiya Yesu.

Machitidu gha Ŵakutumika 13:11

Ndipo sono, awona, janja la Ambuya le pako, ndipo uŵenge wachiburumutiya, wakulereska so dazi cha mpaka mazuŵa.” Ndipo sosonukweni kunguwiya pake chizgezge ndi mdima; ndipo wendayendanga ndi kupenja wakumrongozga ndi janja.

2 Timote 3:8

kweni uli ndimo Janese ndi Jambrese ŵangumikirana ndi mosese, viyo iwo nawo ŵamikana ndi uneneska wo, pakuŵa ŵanthu ŵakuwo mu chinjeru, ŵakupatika kuchiri ku chivwanu.