2 Timote 3:3 - Tonga Bible 1986

³ ŵambura matunizgika, ŵapharamulu, ŵambura kujitintha, ŵakari, ŵazira kwanja umampha,

2 Timote 3:3 ပူးပေါင်းရင်းမြစ်များ

Chiyambo 49:7

Kutembeke kukara kwawo, pakuti nkhurwani; ndi ukari wawo pakuti ngwa nkhaza! Ndikaŵagaŵanga mwaku Yakobe, ndi kuŵambininiska mwaku Yisraele.

Sumu 15:4

mweniyo ngwakuyeyeka mu maso ghake ndingwakuyuyulika, kweni watumbika wo ŵatopa Ambuya; wakujirapiya ku kusuzgika kweni kuti wasintha cha;

Sumu 22:6

Kweni ine nde fusi, munthu mweneko cha; chitozeru ku ŵanthurumi, chakuyeyeka ku ŵanthu.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Danyele 8:23

Ndipo mu nyengo ya umari ya ufumu wawo po ŵarandizgi ŵakafikangapo pa chipimilo chawo, karonga wakawonekedu kanthazi, yo waziŵa vya muwubende wazamyuka.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Mateyu 4:1

Sono Yesu wangukwezgeke ku bozwa ndi Mzimu, kwacheseka ndi diabolo.

Luka 10:16

“Yo ngwakuvwa imwe, watuvwa ine; ndi wakukana imwe wakana ine; ndi wakukana ine wakana wakundituma.”

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

Yohane 6:70

Wanguwamuka Yesu, “Asi ine ndakusankhani mwachumi ndi ŵaŵi, ndipo mwaku imwe yumoza ndi diabolo?”

ŴaRoma 1:29

pakuzazika iwo ndi uwuraurunji wose, uheni, bina, nkhaza; pakuzara chiŵinu, mbanda, ndeu, fuzi, kapimidu kaheni; ŵamtokutoku,

ŴaRoma 1:31

ŵazereza, ŵakuswa mapanganu, ŵambura chanju cha kawi, ŵambura lisungu:

1 ŴaKorinte 7:5

Mungakaniyananga cha, kweni iku asani mpha phanganu kwakanyengo kakuti, mungaziŵa kujipatuwa mwakuti mujipereke ku kuromba pavuli pake muŵe pamoza so, alinga kuti warekenge Satana yo kumwesani chifukwa cha uzirakujitintha winu.

1 ŴaKorinte 7:9

Kweni asani ŵalive kujitintha, ŵatorane: chifukwa nkhwamamphaku kutorana kwakuruska kukolezga mtima.

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.

1 Timote 3:11

Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose.

Tito 1:8

kweni mwanja-ŵalendo, mwanja umampha, wa vinjeru, murunji, mkhovu, wakujitintha;

Tito 2:3

makhongwe nagho kwakulingana ghaŵe ghaulemu mu kajaridu, ghakuparamula cha, chingana ngaŵanda ku vinyo linandi cha, ghakusambizga vyamampha:

Yakobe 2:6

Kweni imwe muyuyuwa mkavu yo. Asi mbasambasi wo ŵasuzga imwe, ndi ŵakuguziyani iwo ku mphara zakwe uzgiya?

2 Petro 2:14

Pakuŵa ndi maso ghakuzara urowozi, ghambura matunika mu ulakwi; pakuŵa ndi mtima wakutakatakiya mbunu, ŵanyengere mizimu yakuyaghayika.

2 Petro 2:19

ŵapangana nawo wanangwa, penipo iwo ŵeneko mbaŵanda ŵa marusu ghakubwanganduwa. Pakuti ndi chenicho munthu wathereskeka, kwaku chenicho watoleke mu uŵanda.

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

Yuda 1:16

Ŵenaŵa mbakudinginika, ŵakudandauriya, ŵakwenda kwakuyana ndi maulakalaka ghawo (ndipo mlomu wawo urongoro viphweti), pakurumba visku pa chifwa cha chanduku.

Yuda 1:18

ŵanguti kwaku imwe, “Pa nyengo ya umari paŵenge ŵakuwera, ŵakwenda uli ndi maulakalaka gha uwura uwopa Chiuta waku ŵija.”

Chivumbuzi 13:15

Ndipo chinguronde nthazi kupaska mvuchi ku chikozgu cho cha chikoku, viyo kuti chikozgu cha chikoku cho chingaziŵa kurongoro, ndi kuchitiska kuti wo wose ŵarekenge kulambiya chikozgu cha chikoku, ŵabayike.

Chivumbuzi 13:17

ndi kuti munthu kuti wanguziŵa kugula pamwenga kuguliska cha, kwambura kuti we ndi lisimbu lo, lo ndi zina la chikoku cho pamwenga muŵerengu wa zina lake.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Chivumbuzi 17:6

Ndipo ndingumuwona munthukazi yo wakuloŵe ndopa za ŵakupaturika ndi ndopa za ŵakaboni ŵaku Yesu. Ndipo pakumuwona ndingurwita ndi chirwita chikuru.