2 Timote 3:2 - Tonga Bible 1986

² Chifukwa paŵengepo ŵanthu ŵakujanja, ŵakwanja ndrama, ŵakujiŵikamu, ŵakujikuzga, ŵakutondowo, ŵakutafuliya ŵapapi ŵawo, wambura kuwonga, ŵambura ukhovu, ŵazira chanju chakawi,

2 Timote 3:2 ပူးပေါင်းရင်းမြစ်များ

Sumu 10:3

Pakuti muheni watijikuzga mu makhumbo gha mtima wake, ndipo munthu wa mbunu ndi chanduwu wanyoza ndi kutuka Ambuya.

Sumu 49:6

ŵanthu wo ŵagomezga mu uromba wawo, ndi kujikuzga mu unandi wa usambasi wawo?

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,

Yesaya 10:15

Kumbi mbavi yingajikuzga paku yo watiyitema? Pamwenga chakucheke ku jikuzga paku yo watichicheke? Nge ndodo yingasukung'iya yo watiyisoska, pamwenga uli nge ndimo nthonga yingasoske yo kuti ndi muti cha!

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Mateyu 15:6

Ndipo mwapenevya mazu ghaku Chiuta chifukwa cha mdauku winu.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Machitidu gha Ŵakutumika 5:36

Chifukwa ghandaze mazuŵa yagha wangusoka Theudase, wakujinena kuŵa wakuti, e, kwaku mweniyo ŵangujibatika ŵanthurumi, akhumba machumi pe chumi ghanayi mu unandi: mweniyo wangubayika; ndipo wose ŵakumvwiya ŵangumwaranika, ndi ŵangumara teteti.

ŴaRoma 11:18

ungatumbwiyanga pa mphanda zo cha: kweni asani utumbwa, kuti ndiwe upinga nkhorozu cha kweni nkhorozu zipinga iwe.

2 ŴaKorinte 5:15

ndipo chifukwa chaku wose wangufwiya, alinga kuti wo mbakuŵa ndi umoyo ŵangajijariya ŵija so cha, kweni mweniyo pa chifukwa chawo wangufwa ndi kuyuka so.

ŴaFilipi 2:21

Pakuti wose ŵalembe vyaku ŵija, vyaku Yesu Kristu cha.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

1 Timote 1:20

ŵaku ŵeniwo ndi Humenayo ndi Alezandro, wo ndapereka kwaku Satana, alinga ŵalangike kureka kutokoska.

1 Timote 1:9

wakuziŵa ichi, kuti dangu lilive kuŵikikiya murunji, kweni likuŵikikiya ŵambura kuziŵa dangu ndi ŵambura kuvwiya, ŵambura kopa Chiuta ndiŵalakwi, ŵambura urunji ndi ŵamtafu, ŵakubaya-ŵauskeu ndi ŵakubaya-ŵanyinawo, ŵakubaya ŵanthu,

1 Timote 3:3

wabwawatu cha, wambembe cha; kweni mpovu, wambura lisonji, mwanja ndrama cha;

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

1 Timote 6:4

watutumuka, waziŵa kanthu kamoza cha, kweni ngwakutangwamikiya pa malifumbafumba ndi masuskano gha mazu, mwenimo mutuliya chiŵinu, ndeu, matusi, masachizgu ghaheni,

2 Timote 3:4

zimphachi, ŵakujivwiya, ŵakututumuka, ŵakwanja kadara kwakuruska kumwanja Chiuta;

Yakobe 2:8

Kweni asani mulifiska dangu laufumu, kwakuyana ndi lembo lo, “Wanjenge mwanase wako uli ndi wamweni,” muchita umamphavi:

Yakobe 4:16

Kweni sono mutumbwiya mu matukutuku ghinu: chi tumbwa chose chaviyo nchiheni.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

2 Petro 2:12

Kweni yaŵa, nge ndi vyamoyo vyambura chinjeru, vyakawi vyakupapikiya kwachikoleka ndi kwanangika, pakunanga paku vyenivyo kureka kuziŵa, mu chivuzi chawo ŵanangikenge mbwenu,

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.

Yuda 1:16

Ŵenaŵa mbakudinginika, ŵakudandauriya, ŵakwenda kwakuyana ndi maulakalaka ghawo (ndipo mlomu wawo urongoro viphweti), pakurumba visku pa chifwa cha chanduku.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Chivumbuzi 16:11

ndipo ŵangumtuka Chiuta wakuchanya chifukwa cha mauriwirwi ndi vironda vyawo; ndipo kuti ŵangung'anamukaku cha ku nchitu zawo.

Chivumbuzi 16:21

Ndipo mya yikuru ya matarara ya uzitu wa mapaundi machumi pe chumi (100) umoza, kutuwa kuchanya yinguwiyapa ŵanthu; ndipo ŵanthu ŵangumtuka Chiuta, chifukwa cha chideru cha matarara gho; pakuti chideru chake chenga chakofya ukongwa.

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.