2 Timote 1:3 - Tonga Bible 1986

³ Ndimwonga Chiuta mweniyo nditeŵete kutuliya ku ŵaseku mu njuŵi yikhovu, kuti kwambura kulekezga ndikumbuka iwe mu maniniziku ghangu, ndawakunweka usiku ndi msama kukuwona,

2 Timote 1:3 ပူးပေါင်းရင်းမြစ်များ

Luka 2:37

mweniyo so wenga choko cha virimika machumi ghankhonde ndi ghatatu pachanya vinayi, mweniyo kuti watuwangako ku kasopi cha, wakusopa ndi kufunga ndi maniniziku usiku ndi msana.

Machitidu gha Ŵakutumika 22:3

“Ine nde munthurumi mu Yuda, wakuwiya mu Tarso waku Kilikia, kweni wakulereke mu msumba wenuwu, pa marundi ghaku Gamaliele, wakusambizgika kwakuyana ndi rwana la langulu la auskefwe, ndawakuŵa waphamphu kuchiri kwaku Chiuta, uli ndimo muliri mose le:

Machitidu gha Ŵakutumika 23:1

Ndipo Paulo, wakuti dodoli pa upu wo, wanguti, “Mwa ŵabali, ine ndajariya mu njuŵi yose yamampha paurongo paku Chiuta mpaka zuŵa lino.”

Machitidu gha Ŵakutumika 24:14

Kweni chenichi ndizomera kwaku imwe, kuti kwakuyana ndi Nthowa, yeniyo iwo ŵatiyitamula pambuku, viyo ndimteŵete Chiuta wa ŵaseku, ndawakuvwaniya mwaku vyose kwakulingana ndi chilangulu cho, ndi mwaku vyo vyalembeka ndi ŵamchimi;

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

Machitidu gha Ŵakutumika 26:4

“Eviyodi kajaridu kangu kakutuwa ku uhurwa wangu, weniwo kutuliya ku mtendeku wenga mu mtundu wangu ndi mu Yerusalemu, ŵaYuda wose ŵaziŵa;

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

ŴaRoma 9:1

Ndineneska mwaku Kristu (kuti ndipusika cha; njuŵi zangu zisimikizgiya pamoza nane mu Mzimu Wakupaturika),

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

ŴaGalatia 1:14

ndipo mu chi Yuda cho ndarutiriyanga kwakuruska ŵanandi ŵanthanga mu fuku langu, pakuŵa warwana kwakuruska mu miyambu ya ŵaseku.

ŴaEfeso 1:16

kuti ndirekezga cha kumwongiyani, pakumpataulani mu maniniziku ghangu,

1 ŴaTesalonika 3:10

taŵakuromba ukongwa limu usiku ndi msana, kuti mphanyi tawona chisku chinu, ndi kumusazgiyaniko ku vyakupereŵe vyamu chivwanu chinu?

1 Timote 1:19

pakuŵa ndi chivwanu ndi njuŵi yamampha, yeniyo ŵanyake ŵajipankhuliya, ndipo ŵagaruka kuchiri ku chivwanu cho:

1 Timote 1:5

Kweni kamaridu ka chilangulu chonchanju chakutuwa ku mtima ukhovu ndi njuŵi yamampha ndi chivwanu chambura fuzi:

1 Timote 5:5

Kweni choko cheneko ndi chamasiya chigomekezga paku Chiuta, ndipo chijaririya mu maniniziku ndi mu marombo usiku ndi msana.

2 Timote 1:5

Ndichikumbuka chivwanu chamwako chamburafuzi, chenicho chinguja danga mu ambuyako Loisi, ndi mu anyoko Enike, ndipo ndiziŵa kuti che mwako so.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.