2 Timote 1:1 - Tonga Bible 1986

¹ Kalata wakutuwa kwaku Paulo wakutumika waku Kristu mu khumbu laku Chiuta, uli ndi phanganu la umoyo wa mwaku Kristu Yesu,

2 Timote 1:1 ပူးပေါင်းရင်းမြစ်များ

Yohane 10:28

Ine nditizipaska umoyo wamuyaya; kuti zikafwanga cha, ndipo kuti yumoza wazikwamphuwenge mu janja langu cha.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Yohane 6:54

Wakurgha nyama yangu ndi wakumwa ndopa zangu we ndi umoyo wamuyaya; ndipo ine ndimyuskenge mu zuŵa lakumariya.

ŴaRoma 1:1

Kalata wakutuwa kwaku Paulo, mteŵeti waku Yesu Kristu, wakutumika wakusankhika ndi wakudanika ndi Chiuta kwachisambizga uthenga wamampha waku Chiuta:

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

1 ŴaKorinte 1:1

Kalata wakutuwa kwaku Paulo, wakudanikiya kuŵa wakutumika waku Yesu Kristu mu khumbu laku Chiuta, ndi Sosthene mbali widu,

2 ŴaKorinte 1:1

Kalata wakutuwa kwaku Paulo, wakutumika waku Kristu Yesu mu khumbu laku Chiuta, ndi Timote mbali widu, ku mpingu waku Chiuta wamu Korinte, pamoza ndi ŵakupaturika wose ŵamu Akhaia yose.

2 ŴaKorinte 1:20

Chifukwa mapanganu ghose ghaku Chiuta, ghasaniya inya wawo mwaku iyo, muchifukwa ichi tikamba, Ameni, mwaku iyo, tichikambiya ku unkhankhu waku Chiuta.

ŴaGalatia 3:26

Chifukwa mose mwe ŵana ŵaku Chiuta mu chivwanu mwakuKristu Yesu.

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

ŴaEfeso 3:6

pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.

1 Timote 6:19

ŵakujiŵikiya chiŵanja chenecho chaku mkucha, alinga kuti ŵajibwakiye umoyo wo weniwo mbumoyo weniweni.

2 Timote 1:10

kweni warongoleka sono mu chiwoneka cha Mtaski widu Yesu Kristu, mweniyo wakoto nyifwa, ndi wawoneska umoyo ndi uzirachivuzi mu evangeli,

2 Timote 1:13

Koreskanga chandiru cha mazu ghazirima ghenigho wavwa kwangu, mu chivwanu ndi chanju chamwaku Kristu Yesu.

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

2 Timote 2:3

Vwiyangapo vikomwa pamoza nane, nge ngwankhondo mweneke waku Kristu Yesu.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

Tito 1:4

kwaku Tito, mwana wangu mwenimweni mu chivwanu chamasanga. Wezi ndi chimangu kutuliya kwaku Chiuta Dada ndi Kristu Yesu Mtaski widu.

ŴaHebere 9:15

Ndipo pa chifukwa chenichi ndiyo mwendapakati wa chipanganu chifya, viyo kuti yati yaŵapo nyifwa yakwachipepeske pa maujumphi ghapa chipanganu chakudanga wo ŵadanika ŵarondenge phanganu lo la chihara chamuyaya cho.

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.