2 Samuele 9:3 - Tonga Bible 1986

³ Karonga wanguti, “Kumbi kweche so munyake yo wajako wa nyumba yaku Sauli kuti ndimurongo lisungu laku Chiuta?” Ziba wanguti, “Walipo mwana waku Jonafani; ngwakupunduka marundi.”

2 Samuele 9:3 ပူးပေါင်းရင်းမြစ်များ

2 Samuele 19:26

Iyo wangwamuka, “Owe, mbuyangu karonga, mteŵeti wangu ndiyo wangundipusika; pakuti ndamteŵeti winu ndingunena nayo, ‘Ndiŵikiye cha kujapo pa mbunda, alinga ndikwerepo ndirutenge ndi karonga.’ Pakuti mteŵeti winu ngwakupunduka.

2 Samuele 19:27

Ndipo wangundipusikiya ndamteŵeti winu kwaku imwe mbuyangu karonga. Kweni mbuyangu karonga we nge ndi mthenga waku Chiuta; viyo chitani cho nchamampha kwaku imwe.

2 Samuele 4:4

Jonafani mwana waku Sauli, wenga ndi mwana yo wangupunduka marundi. Wenga wa umoyo wa virimika vinkhonde po makani ghaku Sauli ndi Jonafani ghanguza kutuliya ku Yezerele; mlezi wake wangumunyamuwa, wanguthaŵa nayo, ndipo pakuchimbiya kwakuthaŵiriya, wanguwa, ndipo wanguŵa wakupunduka, zina lake lenga Mefiboshete.

2 Samuele 9:13

Mefiboshete wanguja mu Yerusalemu; ndipo mazuŵa ghose warghanga pa gome la karonga; kweni wenga wakupunduka marundi ghose.

2 Samuele 9:7

Davidi wangunena nayo, “Ungopanga; pakuti ndikurongonge lisungu pa chifukwa cha ausu Jonafani, ndipo nkhakuwezgiyanga charu chose chaku Sauli ausu; ndipo ukarghanga pa gome langu mazuŵa ghose.”

Luka 6:36

Muŵe ŵalisungu, ulaka nge mba Uskemwe mbalisingu.

Marangu 10:15

Ndipuuli, Ambuya angukondwa ndi kuŵanja auskemwe ndipo Ambuya angusankha mphapu yawo ya pavuli pawo, imwe muruska ŵanthu ŵanyake wose, mpaka zuŵa lino.

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.