2 Samuele 8:6 - Tonga Bible 1986

⁶ Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

2 Samuele 8:6 ပူးပေါင်းရင်းမြစ်များ

2 Samuele 10:19

Ndipo ŵakaronga wose wo ŵenga ŵateŵeti ŵaku Hadadezere ŵanguti ŵawona kuti ŵapundika ndi ŵaYisraele ŵanguchita chimangu ndi ŵaYisraele ndipo ŵanguŵa ŵaŵanda ŵawo. Viyo ŵaSiriya ŵangopa kuvya so ŵaAmoni.

2 Samuele 23:14

Davidi pa nyengo iyi wenga mulinga; ndipo linga la ŵaFilisti lenga pa Betelehemu.

2 Samuele 3:18

Iku sono rongoni pakwero; pakuti Ambuya akupangana ndi Davidi, kuti ndi janja la mteŵeti wangu Davidi nditaskenge khamu langu Yisraele mu janja la ŵaFilisti, ndi ku janja la ŵarwani ŵawo wose.”

2 Samuele 5:10

Davidi wangurutiliya-rutiliya mukukuwa, chifukwa Ambuya, Chiuta wamaŵanja, wenga nayo.

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

2 Samuele 8:14

Ndipo wanguzenga malinga mu Edomu, ghanguzungulizga Edomu yose, ndipo wose ŵaEdomu ŵanguŵa ŵaŵanda ŵaku Davidi. Ambuya angumupaska upundi Davidi kose ko wangwenda.

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

2 Samuele 8:7

Davidi wanguronda zinguru za golide zo ŵangupinga ŵanyamata ŵaku Hadadezere, wanguza nazo ku Yerusalemu.

1 ŴaKaronga 4:21

Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

2 ŴaKaronga 1:1

Pavuli pa nyifwa yaku Ahabu, Moabu wangugarukiya Yisraele.

2 ŴaKaronga 14:28

Sono nchitu zose zaku Yeroboamu, ndi vyose vyo wanguchita, ndi nthazi yake mo wangurwiya ndimo wanguwezge kwaku Yisraele Damasko ndi Hamati, yo yenga yaku Yuda asi vikulembeka mu Buku la Mikoka la ŵaKaronga ŵaku Yisraele?

2 ŴaKaronga 18:7

Ndipo Ambuya ŵenga nayo pamoza, kweniko kose wanguya wangusakata. Wangugarukiya karonga wa Asiriya, wangukana kumteŵete.

2 ŴaKaronga 3:4

Sono Mesha karonga wa Moabu wenga wakuŵeta mberere, ndipo waperekanga chirimika ndi chirimika ku karonga waku Yisraele vikwi machumi pe chumi vya ŵana ŵa mberere, ndi weya wa ŵabira vikwi machumi pe chumi.

1 Mikoka 18:13

Ŵanguŵikamo ŵasilikali ŵa nkhondo ŵanandi mu Edomu, ndipo ŵaEdomu wose ŵanguŵa ŵanthu ŵaku Davidi. Ndipo Ambuya angupaska upundi kwaku Davidi kose ko wanguruta.

2 Mikoka 17:2

Wanguŵika ŵankhondo mu charu chaku Yuda, ndi mu mizi yaku Efraimu yo awiske Asa ŵanguronda.

Sumu 140:7

Ambuya, Chiuta wangu, Mtaski wangu nthazi, mu nkhondo mungundivikiriya.

Sumu 60:10

Kumbi asi imwe mwatijowo, A Chiuta? Kuti muruta ndi nkhondo zidu cha, Ambuya.

Nthanthi 21:31

Kavalo warongosoleke zuŵa lankhondo, kweni kupunda nkhwa Ambuya.

1 Samuele 13:3

Jonafani wangupunda linga la ŵaFilisti lenga mu Gibea; ndipo ŵaFilisti ŵanguchivwa ichi. Ndipo Sauli wangumba mbata mu charu chose, wakuti, “Mwa ŵaHebere vwani.”

1 Samuele 14:1

Zuŵa limoza Jonafani mwana waku Sauli wangunena ndi munyamata wakupinga vidya vyake, “Tiye, tirute ku linga la ŵaFilisti pa sirgha,” kweni awiske kuti wanguŵanene cha.

1 Samuele 14:15

Ndipo ŵangukoreka ndi mantha ghakuru, ŵamu ugoŵi, ŵamu dondo, ndipo ndi ŵanthu wose ŵamu linga, ndipo chingana mbakupopeska ŵangutenthema, charu chinguyaghayika; chitenthe chinguŵa chikuru ukongwa.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”