2 Samuele 8:14 - Tonga Bible 1986

¹⁴ Ndipo wanguzenga malinga mu Edomu, ghanguzungulizga Edomu yose, ndipo wose ŵaEdomu ŵanguŵa ŵaŵanda ŵaku Davidi. Ambuya angumupaska upundi Davidi kose ko wangwenda.

2 Samuele 8:14 ပူးပေါင်းရင်းမြစ်များ

Chiyambo 25:23

Ndipo Ambuya ŵanguti kwaku iyo, “Mwe mitundu yiŵi mu chibali chako; Ndipo ŵanthu ŵaŵi wo ukapapanga ŵakagaukananga. Yumoza wakaŵanga wakulimba kwakuruska munyake: mura wakatataliyanga mumana.”

Chiyambo 27:29

Mitundu ya ŵanthu yikutataliye, ndi mutundu yilambiye iwe. Uŵe wakutufuliya ŵana ŵanyako ndipo ŵana ŵanyako ŵalambiye iwe. Watembeke we yose yo watikutemba, ndi watumbikike we yose yo watikutumbika.”

2 Samuele 5:10

Davidi wangurutiliya-rutiliya mukukuwa, chifukwa Ambuya, Chiuta wamaŵanja, wenga nayo.

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

2 Samuele 8:15

Viyo Davidi wanguwusa paku Yisraele yose; wangweruzga ndi kuchitiya urunji khamu lake lose;

2 Samuele 8:6

Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

1 ŴaKaronga 11:15

Chifukwa penipo Davidi wenga mu Edomu, Yoabu wakulangula ŵankhondo wanguruta kwachiŵika, ŵakubayika wangubaya munthurumi yose

1 ŴaKaronga 22:47

Mwengavi karonga mu Edomu, kweni wakukoreziyapo ŵaka ndiyu wenga karonga.

1 ŴaKaronga 22:48

Yehosafati wangupanga ngaraŵa zaku Tarshishi, zakuya ku Ofiri kwachito golide, kweni kuti zinguruta cha, chifukwa ngaraŵa zingusweke pa Ezioni geberi.

2 ŴaKaronga 14:7

Wangubaya ŵaEdomu vikwi chumi muDambo la Mche, ndipo wanguto Sela ndi nkhondo ndipo wanguwudana Joktelu, lo ndi zina lake mpaka kunu ku sono.

2 ŴaKaronga 18:7

Ndipo Ambuya ŵenga nayo pamoza, kweniko kose wanguya wangusakata. Wangugarukiya karonga wa Asiriya, wangukana kumteŵete.

1 Mikoka 18:13

Ŵanguŵikamo ŵasilikali ŵa nkhondo ŵanandi mu Edomu, ndipo ŵaEdomu wose ŵanguŵa ŵanthu ŵaku Davidi. Ndipo Ambuya angupaska upundi kwaku Davidi kose ko wanguruta.

Sumu 60:1

A Chiuta mwatijowo, mwafyo vivekeru vidu; mwakaripa; tiwerezgenimo.