2 Samuele 7:22 - Tonga Bible 1986

²² Mu chifukwa ichi ndimwe ŵakuru, A, Ambuya Chiuta; pakuti kulivi wakuyana namwe, ndipo kulivi Chiuta pade paku imwe kwakulingana ndi vyo tavwa ndi makutu ghidu.

2 Samuele 7:22 ပူးပေါင်းရင်းမြစ်များ

2 Samuele 22:32

“Pakuti njani Chiuta, kweni Ambuya? Ndipo jarawi njani, kweni Chiuta widu?

1 ŴaKaronga 8:23

ndi wanguti, “Ambuya mwe, Chiuta waku Yisraele, kulivi Chiuta wakukozgana ndi imwe, kuchanya ko pamwenga pasi pa charu wakusunga phanganu ndi kurongo chifundu ku ŵaŵanda ŵinu wo ŵatenda paurongo pinu ndi mtima wawu wose,

1 Mikoka 16:25

Chifukwa mbakuru Ambuya ndi ŵatenere kuthamikika ukongwa, ndi ŵatenere kopeka kwakuruska ŵachiuta wose.

2 Mikoka 2:5

Ndipo nyumba yo ndi kazenganga yiŵenge yikuru, chifukwa Chiuta widu ndi mkuru kuruska ŵachiuta wose,

Sumu 135:5

Ndiziŵa kuti mabakuru Ambuya; mbakuru kwakuruska ŵachita wose.

Sumu 145:3

Mbakuru Ambuya, ndipo mbakwenere kurumbika ukongwa; ukuru wawo ngwambura kupenjeka.

Sumu 44:1

Tikuvwa ndi makutu ghidu, A Chiuta, auskefwe akutikonkhome, nchitu yo munguchita mu mazuŵa ghawo, mu mazuŵa ghamwaka;

Sumu 48:1

Ndi mukuru Mbuyafwe ndi wakwenere kurumbikadi mu msumba waku Chiuta widu!

Sumu 86:10

Ndimwe pe wakuchita vya minthondwi, chifukwa ndimwe mwija, Chiuta wa mazaza.

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

Sumu 89:6

Kuchanya kulivi wakuyana ndi imwe, Ambuya; kulivi nanga njumoza mu ŵachita wakulingana namwe,

Sumu 89:8

Ambuya Chiuta wa maŵanja, njani wendi mazaza nge ndigho mwenagho imwe, Ambuya? Mwe ŵamagomekezgeka mu vinthu vyose, A Chiuta.

Sumu 96:4

Pakuti ndi mura Mbuyafwe, ndipo ngwakwenere kurumbikadi; watenere kopeka ukongwa kwakuruska ŵachiuta wose.

Chituwa 10:2

Ndipo unene mwana wako munthurumi ndi mzuku wako munthurumi, ndi uli mo ndachitiya ndi ŵaEgipiti, ndi visimikizgu vyo ndaŵawoneska alinga kuti muziŵe kuti ndine Ambuya.”

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Chituwa 8:10

Ndipo iyo wanguti, “Lamawa.” Mosese wanguti, “Kuŵe uli ndimo mwanene, kuti muziŵe kuti kulivi nanga njumoza wakulingana ndi Ambuya Chiuta widu.

Chituwa 8:6

Viyo Aroni wangutambaruliya janja lake pa maji ghamu Egipiti; ndipo ŵamchuwa ŵangufwapuka ndi ŵangusapatiya pa charu chose cha Egipiti.

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Yesaya 40:25

Na sono mundiyaniskenge ndi yani, kuti ndikozgani nayo? watiti Mtuŵa Yumoza yo.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Yesaya 45:5

Ndine Ambuya, ndipo kulivi munyake so, pade paku ine palivi Chiuta; nditukumanga mu chiunu, chingana iwe ureka kundiziŵa,

Ezekiele 36:22

“Chifukwa cho kamba ku nyumba yaku Yisraele, Viyo atiti Ambuya Chiuta: kuti ndichita ichi pa chifukwa chaku imwe cha, mwa nyumba yaku Yisraele, kweni pa chifukwa cha zina langu lituŵa, lo imwe mwakazuzga mukati mu mitundu mo munguya.

Ezekiele 36:32

Kuti ndikachitanga ichi chifukwa chinu cha, atiti Ambuya Chiuta, ichi chiziŵikwe kwaku imwe. Muŵe ŵa soni ndi ŵachitima chifukwa cha nthowa zinu, imwe nyumba yaku Yisraele.

Danyele 2:45

nge ndimo munguwone mwa uwa kutuwa ku phiri wo kuti ungusweka ndi janja la munthu cha, ndipo ungutekenya chisulo, mkuŵa, dongo, siliva, ndi golide, Chiuta mkuru wamuziŵiska karonga ndi vyo vikaŵangako pavuli. Nadi ndi loto leneko, ndi kang'anamuridu kake nako nkhakuneneska.”

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Marangu 3:24

‘Ambuya Chiuta, mwamba kurongonda mteŵeti winu ukuru winu ndi janja linu la nthazi, chifukwa kungaŵa chiuta munyake yani kuchanya pamwenga mu charu chapasi, yo wangaziŵa kuchita kwakulingana ndi mlimu winu, ndi kwakulingana ndi nthazi zinu?

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

Marangu 4:35

Chingukambika kwaku imwe kuti Ambuya ndi Chiuta yija palivi munyake.

Marangu 4:39

Viyo ziŵani zuŵa lino ndi kughanaghana mu mitima yinu, kuti Ambuya ndiwo Chiuta mu machanya ndimu charu chapasi, kulivi munyake.

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.