2 Samuele 7:20 - Tonga Bible 1986

²⁰ Ndipo kajako so nkhane ko Davidi wangarongoro kwinu? Pakuti imwe muziŵa ndi mteŵeti winu, A, Ambuya Chiuta!

2 Samuele 7:20 ပူးပေါင်းရင်းမြစ်များ

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

1 Mikoka 17:18

Ndipo nchine so chakuruska cho Davidi wangakamba ndi za ulemu wo wachitikiya mteŵeti winu? Pakuti muziŵa mteŵeti winu.

Sumu 139:1

Ambuya, mwandipima, ndipo mwandithoŵa.

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Yoswa 5:14

Iyo wanguti, “Awa, kweni nde wakulamula wankhondo wa Ambuya ndimu ndaziya.” Ndipo Yoswa wanguwa pasi kavunama, wangusopa, ndipo wangunena nayo, “Nchine cho mbuya walanguliya mteŵeti wake?”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”