2 Samuele 7:2 - Tonga Bible 1986

² karonga wangunena ndi Natani mchimi, “Awona sono ine ndija mu nyumba ya miti ya milanji kweni Bokosi la Ambuya lija mu hema.”

2 Samuele 7:2 ပူးပေါင်းရင်းမြစ်များ

2 Samuele 11:11

Uriya wanguti, “Bokosi la Ambuya ndi Yisraele ndi Yuda ŵaja mu misasa; ndipo mbuyangu Yoabu ndi ŵateŵeti ŵa mbuyangu wagona pa bwalo mu dondo; sono ine ndingaruta ku nyumba yangu, kwa chirgha ndi kumwa, ndi kugona ndi muwoli wangu? Po muliri ŵamoyo imwe, ndimo uliri wamoyo mzimu winu, kuti ndichitenge chinthu ichi cha.”

2 Samuele 12:1

Ndipo Ambuya angutuma Natani kwaku Davidi. Wanguza, ndipo wangunena nayo, “Mu msumba wakuti mwenga ŵanthu ŵaŵi, yumoza musambasi munyake mukavu.

2 Samuele 5:11

Hiramu karonga waku Turo wangutuma mathenga kwaku Davidi, ndi miti ya milanji, ndipo so ndi ng'ombwa ndi ŵakuzenga wo ŵanguzenge Davidi nyumba.

2 Samuele 6:17

Ndipo ŵanguserezga Bokosi la Ambuya mukati, ndi kuliŵika pa malo ghake, mu hema lo Davidi wangulizenga; Davidi wangupereka mipasku ya kocha ndi mipasku ya chimangu paurongo pa Ambuya.

2 Samuele 7:17

Kwakuyana ndi mazu ghose yagha, ndi kwakuyana ndi chiwona chose, ichi Natani wangumukonkhome Davidi.

1 ŴaKaronga 1:22

Po wenga weche kurongoro ndi karonga, Natani mchimi wangusere.

1 ŴaKaronga 1:8

Kweni Zadoki mzukuru, ndi Benaya mwana waku Yehoyada, ndi Natani mchimi, ndi Shimei, ndi Rei ndi vinkhara vya nthazi vyaku Davidi kuti ŵenga pamoza ndi Adoniya cha.

1 ŴaKaronga 4:5

Azariya mwana waku Natani wenga wakutufuliya ŵarongozgi; Zabudu mwana waku Natani wenga mzukuru ndi bwezi la karonga;

1 ŴaKaronga 8:17

Sono chenga mu mtima waku Davidi ada kuzenge nyumba zina la Ambuya, Chiuta waku Yisraele.

1 Mikoka 14:1

Hiramu karonga wa Turo wangutuma mathenga kwaku Davidi, ndi miti ya milanji, ŵakusema mya ndi miti kwachimzenge nyumba.

1 Mikoka 16:1

Ndipo ŵanguza nalo bokosi laku Chiuta, ndi ŵanguliŵika mu hema lo Davidi wangulijinthiya; ndipo wangupereka sembe yakocha, ndi sembe ya chimangu, paurongo paku Chiuta.

1 Mikoka 22:7

Davidi wanguti kwaku Solomoni, “Mwana wangu, chenga mu mtima wangu kuzenge nyumba zina la Ambuya, Chiuta wangu.

1 Mikoka 29:29

Nchitu za karonga Davidi kutuwa ku kwamba mpaka ku umari kwake, zikulembeka mu buku la makani laku Samuele muwona, ndi mu buku laku Natani mchimi, ndi mu buku la makani laku Gadi muwona,

2 Mikoka 1:4

(Kweni Davidi wanguto bokosi laku Chiuta kutuwa ku Kiriati-Jearimu, ndi kuza nalo ku malo gho Davidi wangulilongosole, chifukwa wangulikhome hema mu Yerusalemu.)

2 Mikoka 29:25

Wanguŵika ŵaLevi mu nyumba ya Ambuya, ndi vimbumbuli, ŵazezi, ndi ŵabangwe, kwakuyana ndi langulu laku Davidi ndi laku Gadi muwona wa karonga ndiwaku Natani mchimi pakuti langulu lingutuwa kwa Ambuya mu ŵamchimi ŵake.

2 Mikoka 9:29

Nchitu zake zinyake zaku Solomoni, zakudanga ndi zakumariya, zikulembeka mu buku laku Natani mchimi, ndimu uchimi waku Ahija mu Shiloni ndi mu viwona vyaku Ido muwona vya paku Yeroboamu mwana waku Nebati?

Sumu 132:2

Kumbukani, Ambuya, cho wangupangana, rapu lo wangurapiya ku wanthazi zose waku Yakobe,

Sumu 132:5

mpaka penipo ndaŵasaniriya malo Ambuya, malo ghakujamo wanthazi zose waku Yakobe.”

Chituwa 40:21

ndipo wanguza ndi bokosi mu hema lakupaturika, ndi wangumika chivwinkhu cha chakuchinga, ndi wanguchingako ku bokosi laukaboni; uli ndimo Ambuya angulanguliya Mosese.

Hagayi 1:4

“Kumbi ndi nyengo iyi kwaku imwe kuja mu nyumba zamampha zamathabwa ghakupala, penipo nyumba iyi njakupasuka?

Yohane 2:17

Ndipo ŵasambizi ŵake ŵangukumbuka kuti kungulembeka, “Rwana la nyumba yinu lindirghenge.”

Machitidu gha Ŵakutumika 7:46

yo wangusaniya wezi paurongo paku Chiuta, ndi wangupempha kumusaniriya Chiuta waku Yakobe hema lakujamo.