2 Samuele 7:13 - Tonga Bible 1986

¹³ Wakazengiyanga nyumba zina langu ndipo ndikakhozganga chitengo cha ufumu wake muyaya.

2 Samuele 7:13 ပူးပေါင်းရင်းမြစ်များ

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

2 Samuele 22:51

Apaska upundi ukuru ku karonga wawo, ndi kurongo lisungu la kwanja ku wakupakika wawo; kwaku Davidi ndi ku mphapu yake muyaya.”

2 Samuele 7:16

Ndipo myumba yako ndi ufumu wako vikajaririyanga kwauneneska pa maso ghangu muyaya; chitengo chako chikakuzgikanga muyaya.’ ”

2 Samuele 7:27

Pakuti imwe, O, Ambuya ŵa maŵanja Chiuta waku Yisraele, mwachita uvumbuzi uwu kwaku ndamteŵeti winu, mwakuti, ‘Ndikuzengiyeni nyumba,’ ndicho chifukwa chake ndamteŵeti winu ndasaniya chinganga kuromba rombo ili kwaku imwe.

1 ŴaKaronga 2:24

Viyo achiŵa amoyo Ambuya, wo ŵanditumphuska, ndipo ŵandijarika pa chitengo chaku Davidi ada, ndipo ŵandichitiya nyumba nge ndimo angupanganiyana Adoniya wakabayikanga msana wale.”

1 ŴaKaronga 2:4

alinga kuti Chiuta wafiske mazu ghenigho wangurongoro paku ine, kuti, ‘Asani ŵana ŵako ŵakaphwerenga nthowa zawo, kwachenda paurongo pangu mu ukongorekwa ndi mtima wawo wose ndi ndimzimu wawo wose, kuti wakaperengapo munthu cha wako pa chitengo chaku Yisraele.’

1 ŴaKaronga 2:45

Kweni Karonga Solomoni wakatumbikikanga ndi chitengo chaku Davidi chikajarikikanga paurongo pa Ambuya muyaya.”

1 ŴaKaronga 5:5

Viyo ndighanaghana kuzenge zina la Ambuya Chiuta wangu, nge ndimo Ambuya angukambiya kwaku Davidi ada, ‘Mwana wako, mweniyo ndikajarikanga chitengo chako mu malo ghako wakazengiyanga nyumba zina langu.’

1 ŴaKaronga 6:12

“Ghapa nyumba iyi yo iwe uzenga, asani wendenge mu marangu ghangu, kuvwiya vyeruzgu vyangu, kusunga malangulu ghangu ndi kwenda mwaku gho, po ndipo ndikafiskanga mazu ghangu ndi iwe, gho ndingukamba ndi Davidi ausu.

1 ŴaKaronga 8:13

Ndakuzengiyani nyumba ya kuzirwa, malo ghinu ghakujamo muyaya.”

1 ŴaKaronga 8:15

Ndipo wanguti, “Atumbikike Ambuya, Chiuta waku Yisraele, mweniyo ndi janja lake wafiska cho wangupangana ndi mlomo wake kwaku Davidi ada, wanguti,

1 ŴaKaronga 8:19

Ndipuuli kuti uyizengenge cha nyumba yo, kweni mwana wako yo ukapapanga wakazengiyanga nyumba zina langu.’

2 ŴaKaronga 21:4

Ndipo wanguzenga majochero mu nyumba ya Ambuya gho Ambuya anguti, “Mu Yerusalemu ndikaŵikangamo zina langu.”

2 ŴaKaronga 21:7

Ndipo ngoza wakusema waku Ashera, yo wangupanga wangumumika mu nyumba yeniyo Ambuya angukamba kwaku Davidi ndi kwaku Solomoni mwana wake, “Mu nyumba iyi ndimu Yerusalemu, yo ndasankha mu makhamu ghose gha Yisraele, ndikaŵikangamo zina langu muyaya,

2 ŴaKaronga 8:19

Kweni Ambuya kuti angubaya ŵaYuda cha pa chifukwa chaku Davidi mteŵeti wawo pakuti angupangana kumupaska nyali mpaka ku mphapu yake muyaya.

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

2 Mikoka 33:4

Ndipo wanguzenga majochero mu nyumba ya Ambuya, yo Ambuya angunena, kuti, “Mu Yerusalemu mujenge zina langu muyaya.”

2 Mikoka 6:16

Viyo sono Ambuya, Chiuta waku Yisraele, sungani cho mungupangana ndi Davidi mteŵeti winu, Davidi ada, kuti, ‘Wasoŵenge cha pamaso ghangu munthu wakuja pa chitengo cha ufumu waku Yisraele, asani ŵana ŵako pe ndiwo ŵangaphwere nthowa yawo, kwenda mu dangu langu nge ndimo iwe wayende paurongo pango.’

Jobu 36:7

Kuti wawezge vuli maso ghake cha kutuwaku ku ŵarunji, kweni wati ŵajarika pamoza ndi ŵakaronga muyaya pa chitengo chawo cha ufumu ndipo ŵakuzgika.

Sumu 72:17

Zina lake lijaririye muyaya, mbiri yake yirutiliyenge mo liliri lumwi. Yimurumbenge mitundu yose, ŵanthu wose ŵapemphe Chiuta kuti waŵatumbike, nge ndimo watumbikiya karonga.

Sumu 89:21

ndipo janja langu likaŵanga paku iyo nyengo yose, janja langu likamupaskanga nthazi.

Sumu 89:29

Ndikamiskanga mphaka yake muyaya ndi chitengo chake nge ndi mazuŵa gha kuchanya.

Sumu 89:4

“Wa mphapu yako ndiyo wakaŵanga karonga muyaya; ndikasunganga ufumu wako ku migonezi yose.”

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Yeremiya 33:17

“Pakuti, atiti viyo Ambuya: Davidi kuti wakasoŵanga munthu cha wakuja pa chitengo chaku Yisraele,

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Zekariya 6:12

ukambe nayo kuti, ‘Viyo atiti Ambuya ŵa maŵanja, “Wona, munthu yo zina lake ndi Mphanda; chifukwa wakakuwanga mu malo ghake, ndipo wakazenganga kasopi wa Ambuya.

Zekariya 6:13

Ndiyo wakazenganga kasopi wa Ambuya, wakaŵanga ndi chitumbiku cha ufumu, ndipo wajenge ndi kuwusa pa chitengo chake cha ufumu. Ndipo pakaŵanga mzukuru pafupi ndi chitengo cha ufumu wake, ndipo chimangu, ndi chinjeru vikaŵanga pakati paku wose ŵaŵi.” ’

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

ŴaHebere 3:3

Chifukwa mwenuyu wapimika wakwenere unkhankhu wakuruska ukongwaku kwaku Mosese, uli ndimo yo wazenga nyumba waliri ndi thamu likuruku ku nyumba.

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.