2 Samuele 7:10 - Tonga Bible 1986

¹⁰ Ndipo ndi sankhenge malo gha khamu langu Yisraele, ndiwapandenge, mwakuti ŵajijaliye mu malo ghawo ndi ghawo, kuti ŵakasukuniskikanga so cha, ndipo nanga mbanthu ŵankhaza kuti ŵaŵasuzgenge so cha nge ndi kali,

2 Samuele 7:10 ပူးပေါင်းရင်းမြစ်များ

2 ŴaKaronga 21:8

ndipo kuti ndikachitanga so cha kuti marundi gha waYisraele ghayingayingenge kutuwa mu charu ichicho ndingupaska ku auskeu asani ŵaphwere pe kuchita kwakuyana ndi vyose vyo ndaŵalanguliya, ndi kwakuyana ndi dangu lose lo mteŵeti wangu Mosese wakuŵalanguliya.”

1 Mikoka 17:9

Ndikasankhiyanga malo ŵanthu ŵangu ŵaYisraele, ndi kuŵapanda, kuti ŵajenge mu malo ghawo ndi ghawo, ndi kuti ŵakachuruskikanga so cha, ŵanthu ŵankhaza kuti ŵakaŵaparghang'anga cha, nge mphakudanga,

2 Mikoka 33:8

ndipo kuti ndinderezgenge cha rundi laku Yisraele mu charu cho ndaŵikiya ambuyamwe, asani iwo ŵaphwerenge kuchita vyose vyo ndaŵalanguliya kwakuyana ndi dangu vilayizgu ndi vyakutemeka vyaku Mosese.”

Sumu 44:2

imwe ndi janja linu mungutuzga mitundu ya ŵanthu, kweni iwo munguŵapanda; mungusuzga makhamu, kweni iwo munguŵajarika mu wanangwa;

Sumu 44:4

Ndimwe karonga wangu ndi Chiuta wangu, yo walanguliya maupundi kwaku Yakobe.

Sumu 80:8

Munguza ndi mphereska kutuwa ku Egipiti; mungudikiskamo mitundu mu charu ndipo munguyipanda.

Sumu 80:9

Munguyinozge malo kuti yikuwenge; nkhorozo zake zingusere pasi, ndipo yinguthaza charu chose.

Chituwa 1:22

Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”

Chituwa 15:17

Imwe mukaŵaserezganga ndi kuŵapanda pa phiri laku mwaŵeni malo gho mwaghachita kuŵa chakujamo chinu, Ambuya mwe, malo ghakupaturika gho manja ghinu ghajarika, Ambuya mwe.

Yesaya 5:2

Wanguwulima wangutuzgamo mya, ndipo wangupandamo mphereska zakusankhika; wanguzenga chitanthali mukati mwake, wangusemiyamo thaŵali la mphereska mukati mwake; wanguwulereze kuti upasenge vipasi, kweni ungupasa vikorakora.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Yeremiya 18:9

Ndipo asani pa nyengo ye yose nditaula pa mtundu pamwenga ufumu, kuti ndikauzenganga ndi kuwupanda,

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

Ezekiele 28:24

“Ndipo pa nyumba yaku Yisraele kuti pakaŵanga so kankhandi wakulasa pamwenga munga wakuŵapweteka cha mukati muŵa kuzengezgana ŵawo wose wo ŵanguŵayuyuwa. Penipo ndipo ŵakaziŵanga kuti ndine Ambuya.

Hoseya 2:18

Ndipo mu zuŵa lo ndamukukuchitiya phanganu ndi nyama zamu dondo, ndi viyuni vya mude, ndi vithu vyakukwaŵa pasi. Ndipo nkhabwanganduwanga uta, lipanga ndi nkhondo mu charu ndi nkhamugonekanga kwakufwasa.

Amosi 9:15

Ndiŵapandenge pa charu chawo, kuti ŵakazuwikanga so cha mu charu cho ndaŵapaska,” atiti Ambuya Chiuta winu.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

1 Samuele 13:17

Ndipo ŵakupopeska ŵangutuwa mu ugoŵi wa ŵaFilisti mu maliŵanja ghatatu; liŵanja limoza lingurazga ku Ofra, ku charu cha Shuala,