2 Samuele 6:22 - Tonga Bible 1986

²² Ndikaŵanga wakuyuyulika ukongwa kuruska so yapa, nkhaŵanga wakuyuyulika mu maso ghako; kweni mu ŵasungwana yaŵa wakamba, mwaku iwo ndikakuzgikanga.”

2 Samuele 6:22 ပူးပေါင်းရင်းမြစ်များ

Chiyambo 32:10

kuti chitindenere cha chingana nchakumaliya cha vifundu vinu ndi ukongolekwa winu wose weniwo mwalongo ku muŵanda winu, pakuti ndi nthonga yangu pe ndingwambuka Yordane uyu; kweni sono ndaŵa maliŵanja ghaŵi.

2 Samuele 6:21

Sono Davidi wanguti kwaku Mikala, “Penga pa maso pa Ambuya, yo wangundisankha pachanya pa ausu, pachanya pa nyumba yake yose, kundimika nge ndi mwana wa karonga pa ŵaYisraele, khamu la Ambuya, ndipo ndikondwenge paurongo pa Ambuya.

2 Samuele 6:23

Ndipo Mikala mwana waku Sauli wengavi kupapa mwana mpaka ku zuŵa la nyifwa yake.

Jobu 40:4

“Wonani, ndawambura vinjeru ine; nchine cho nkhakumukaninga? Ndipo waka pa mlomo wangu ndi janja langu.

Jobu 42:6

chifukwa ichi nditijisuska, ndipo ndajiwezga mu fuvu ndi mu choto.”

Sumu 131:1

Ambuya, kuti ujikuzga cha mtima wangu, maso ghangu kuti ghalereska kwa kujitukumuwa cha; nanga ndi mu vinthu vinonono ndi vyakuziziswa ukongwa, kwaku ine,

Yesaya 50:6

Ndingung'anamukiya msana wangu ku wakupuma, ndi matama ghangu kwaku wo ŵanguguza mwembe, ndengavi kubisa chisku changu ku chilengesku ndi kukufunyika mata.

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Marko 14:66

Ndipo wachija Petro mu mphara yo, wanguza yumoza wa ŵasungwana ŵa mzukuru mura;

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

1 Petro 4:14

Asani mutozeka chifukwa cha zina laku Kristu, mwe ŵamwaŵi; pakuti Mzimu wa unkhankhu, Mzimu waku Chiuta wapumuliya pinu.

1 Petro 5:6

Viyo mujiyuyuliye kusi ku janja laukumu laku Chiuta, alinga kuti wamtumphuskeni ku nyengo yakwenere,

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.