2 Samuele 5:2 - Tonga Bible 1986

² Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

2 Samuele 5:2 ပူးပေါင်းရင်းမြစ်များ

Chiyambo 49:24

Kweni uta wake unguma gwa, manja ghake ghanguchitika ghapusa ndi manja gha wanthazi yo waku Yakobe (ndi zina la mliska, jarawe laku Yisraele),

2 Samuele 6:21

Sono Davidi wanguti kwaku Mikala, “Penga pa maso pa Ambuya, yo wangundisankha pachanya pa ausu, pachanya pa nyumba yake yose, kundimika nge ndi mwana wa karonga pa ŵaYisraele, khamu la Ambuya, ndipo ndikondwenge paurongo pa Ambuya.

2 Samuele 7:7

Mu malo ghose mo ndenda ndi khamu lose laku Yisraele, kumbi ndikukambapo nanga nkhuŵeruzgi ŵaku Yisraele, wo ndinguŵalanguliya kuliska khamu langu Yisraele, kuti, “Mwarekiyanji kundimangiya nyumba ya miti ya milanji?” ’

2 Samuele 7:8

Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

1 Mikoka 11:2

Mu nyengo zaruta nanga ndi penipo Sauli wenga weche karonga mwenga imwe yo wangurongozga pa kutuwa ndi pa kusere; Ambuya Chiuta winu wangumuneniyani kuti, ‘Ukaliskanga ŵanthu ŵangu, ndipo ukaŵanga karonga pachanya pa ŵaYisraele.’ ”

2 Mikoka 1:10

Mundipaske zeru, ndi mziŵiru sono, mwakuti ndituwe ndi ndisere paurongo pa ŵanthu yaŵa, chifukwa ndiyani wangaziŵa kuwusa ŵanthu ŵinu ŵanandi nge ndi yaŵa?”

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Ezekiele 34:23

Ndikamikanga pachanya pawo mliska yumoza, mteŵeti wangu Davidi, ndipo wakaziliskanga: wakaziliskanga ndi kuŵa mliska wawo.

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.

Maŵerengedu 27:17

mweniyo wakaŵadanjiriyanga ŵachiruta ndi wachisere; mwakuti mpingu wa Ambuya ureke kuŵa nge ndi mberere Zambura mliska.”

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

Yohane 10:11

Ine ndine nliska mweneko; mliska mweneko waŵikiya pasi umoyo wake chifukwa cha mberere.

ŴaHebere 2:10

Chifukwa kunguyiyamu iyo, kwaku mweniyo vye vyose, ndi mwaku mweniyo vye vyose, pakutoliyamu ŵana ŵanandi mu unkhankhu, kufiskiya ndi vikomwa nduna ya utaski wawo.

1 Samuele 13:14

Kweni ufumu wako kuti urutiliyenge cha; Ambuya asankha munthu wapa mtima wawo; ndipo amumika kuŵa murongozgi wa wanthu ŵake, chifukwa iwe kuti wasunga cho Ambuya angukulanguliya cha.”

1 Samuele 16:1

Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”

1 Samuele 18:13

Viyo Sauli wangumutuzgako kwake, ndi kumuŵika nduna pa ŵankhondo chikwi; wangutuwako ndi wanguza paurongo pa ŵanthu.

1 Samuele 18:16

Kweni Yisraele yose ndi Yuda ŵangumwanja Davidi; pakuti wanguŵarongozga pakutuwa ndi pakusere.

1 Samuele 18:5

Davidi wangutuwa kuruta ndipo wanguchita umampha kose ko Sauli wangumutuma, rekani Sauli wangumuŵika pachanya pa ŵankhondo. Ndipo ichi chinguŵa chakunozga mu maso gha ŵanthu wose ndipo ndi mu maso gha ŵateŵeti ŵaku Sauli.

1 Samuele 25:28

Ndipempha ndigowokeyeni kwananga kwangu ndamteŵeti munthukazi winu, pakuti nadi Ambuya amuchitiyenge mbuyangu nyumba yakukho, chifukwa mbuyangu waturwa nkhondo za Ambuya; ndipo uheni kuti usanirikengemo mwinu cha mu umoyo winu wose.

1 Samuele 25:30

Ndipo kuŵenge kuti po Ambuya afiska ku ambuyangu kwakulingana ndi vyamampha vyose vyo akamba vyapaku imwe, ndi kumumikani kuŵa pa ŵaYisraele,

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”