2 Samuele 5:19 - Tonga Bible 1986

¹⁹ Ndipo Davidi wangufumba ku Ambuya, “Kumbi ndikwere kurwana ndi ŵaFilisti, kumbi muŵaperekenge mu janja langu?” Ndipo Ambuya angwamuka Davidi anguti, “Rutanga, chifukwa kwakuneneska ndiperekenge ŵaFilisti mu janja lako.”

2 Samuele 5:19 ပူးပေါင်းရင်းမြစ်များ

2 Samuele 2:1

Pavuli paku ichi Davidi wangufumbiya ku Ambuya, “Kumbi ndingakweriyako kwe kose mu misumba yaku Yuda?” Ambuya angunena nayo, “Rutanga.” Davidi wanguti, “Ndikwere ku muzi nuwu?” Ambuya anguti, “Ku Hebroni.”

2 Samuele 5:23

Davidi wanguti wafumba ku Ambuya, anguti, “Ungakweriyangako cha; zunguliya kuvuli kwawo, uziye paku iwo pakulereskana ndi miti ya balasama.

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

Nthanthi 3:6

Mu nthowa zako zose zomeranga iwo ndipo iwo ŵakanyoroskanga nthowa zako.

Yakobe 4:15

Ukongwa mutenere kukamba, “Asani Ambuya ŵakhumbenge ndipo tikaŵanga ŵamoyo, ndipo tikachitanga chenichi pamwenga chiya.”

Ŵeruzgi 20:28

Finehasi mwana waku Eleazara mwana waku Aroni wanguteŵete paurongo paku lo mu mazuŵa ghenigha) ŵanguti, “Kumbi tiwerezgengepo so kuruta ku nkhondo kumikana ndi ŵabali ŵidu ŵaBenjamini, pamwenga tireke?” Ndipo Ambuya anguti, “Kweriyaniko; pakuti la mawa ndikaŵaperekanga mu janja linu.”

1 Samuele 22:15

Kumbi zuŵa linu ndi nyengo yakwamba yo ndamufumbiya kwaku Chiuta, Awa! Karonga mureke kuŵika kafukwa ke kose pa mteŵeti winu, nanga mphaku wose ŵamu myumba ya ada; chifukwa nda mteŵeti winu kuti ndiziŵapo nanga nkhamoza cha kaku vyose ivi, kakuru pamwenga kamana.”

1 Samuele 23:2

Sono Davidi wangufumba ku Ambuya, “Kumbi ndirute kwachirwana ndi ŵaFilisti aŵa?” Ambuya anguti kwaku Davidi, “Ruta karwane ndi ŵaFilisti ndipo utaske Keila.”

1 Samuele 23:4

Davidi wangufumba so ku Ambuya. Ambuya angumwamuka, “Soka, sikiya ku Keila; chifukwa ndiŵaperekenge ŵaFilisti mu janja lako.”

1 Samuele 28:6

Ndipo wanguti wafumba ku Ambuya kuti angumwamuka cha, chingana ndi mu maloto pamwenga mu Urimi, chingana ndi mu ŵamchimi;