2 Samuele 5:10 - Tonga Bible 1986

¹⁰ Davidi wangurutiliya-rutiliya mukukuwa, chifukwa Ambuya, Chiuta wamaŵanja, wenga nayo.

2 Samuele 5:10 ပူးပေါင်းရင်းမြစ်များ

Chiyambo 21:22

Pa nyengo yeniyiya Abimeleke ndi Phikolo wakulamula liŵanja lake la nkhondo wanguti kwaku Abrahamu, “Chiuta we nawe mwaku chenicho uchita;

2 Samuele 3:1

Panguŵa nkhondo nyengo yitali pakati pa nyumba yaku Sauli ndi nyumba yaku Davidi; ndipo Davidi wakuwanga-kuwanga mu nthazi, po nyumba yaku Sauli yatomborokangatomborokanga.

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

2 Samuele 8:14

Ndipo wanguzenga malinga mu Edomu, ghanguzungulizga Edomu yose, ndipo wose ŵaEdomu ŵanguŵa ŵaŵanda ŵaku Davidi. Ambuya angumupaska upundi Davidi kose ko wangwenda.

2 Samuele 8:6

Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

Jobu 17:9

Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

Sumu 24:10

Njani uyu karonga wa unkhankhu? Ambuya ŵazinkhondo, ndiwo karonga wa unkhankhu!

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Luka 2:52

Ndipo Yesu wakuwanga mu zeru ndi mu msinkhu, ndi mu wezi kwaku Chiuta ndi ŵanthu.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

1 Samuele 18:12

Sauli wanguŵa ndi mantha paku Davidi, chifukwa Ambuya ŵenga nayo, wangutuwako kwaku Sauli.

1 Samuele 18:14

Ndipo Davidi wanguchita umamphavi nchitu zose zo zingupaskika kwake; chifukwa Ambuya ŵenga nayo.

1 Samuele 18:5

Davidi wangutuwa kuruta ndipo wanguchita umampha kose ko Sauli wangumutuma, rekani Sauli wangumuŵika pachanya pa ŵankhondo. Ndipo ichi chinguŵa chakunozga mu maso gha ŵanthu wose ndipo ndi mu maso gha ŵateŵeti ŵaku Sauli.