2 Samuele 3:16 - Tonga Bible 1986

¹⁶ Mrumi wake wanguruta nayo, wamuliliyanga mu nthowa mose mpaka ku Bahurimi, penipo Abnere wangunena nayo, “Rutanga, weko”; ndipo wangu we.

2 Samuele 3:16 ပူးပေါင်းရင်းမြစ်များ

2 Samuele 16:5

Penipo karonga Davidi wanguti wafika ku Behulimi, kungumuziya munthu wamu mbumba ya nyumba yaku Sauli, yo zina lake lenga Shimei, mwana waku Gera; ndipo wachiza wendanga uku watuka.

2 Samuele 17:18

Kweni mwana mhurwa wanguŵawona, ndi wangunene Absalomu; viyo wose ŵaŵi ŵangutuwapo ruŵi, wanguza ku nyumba ya munthu pa Bahurimi, yo wenga ndi chisima pa luluwa la nyumba yake, ŵangusikiya pasi mwaku cho.

2 Samuele 19:16

Ndipo Shimei mwana waku Gera muBenjamini waku Behurimi, wangutinthimika kusika pamoza ndi ŵanthu ŵaku Yuda kwazukumana ndi karonga Davidi;

2 Samuele 19:17

ndi pamoza nayo ŵanthu chikwi ŵaku Benjamini. Ziba, mteŵeti wa nyumba yaku Sauli, pamoza ndi ŵana ŵake ŵanthurumi, chumi ndi ŵankhonde ndi ŵateŵeti ŵake machumi ghaŵi ruŵi ŵangusikiya ku Yordane paurongo pa karonga,

2 Samuele 23:31

Abialbono muArbatine, Azimavete waku Behurimi,

2 Samuele 3:15

Ndipo Ishinoshete wangutuma ndi wangumuto ku mrumi wake Paltiele mwana munthurumi waku Laishi.

1 ŴaKaronga 2:8

Ndipo pamoza nawe pe so Shimei mwana waku Pera, muBenjamini waku Bahurimu, yo wangunditemba ndi thembu lakuŵaŵa mu zuŵa liya ndinguya ku Mahanaimu, kweni wanguti wasika kuzachikumana nane pa Yordane, ndingumurapiya pa Ambuya, kuti, ‘Kuti ndikakubayanga ndi lipanga cha.’

Yeremiya 41:6

Ishimaele mwana waku Netaniya wangutuwa ku Mizipa kuzachikumana nawo, waliyanga wachiza. Wachikumana nawo, wanguti kwaku wo, “Sereni zani kwaku Gedaliya mwana waku Ahikamu.”