2 Samuele 24:3 - Tonga Bible 1986

³ Yoabu wangunena ndi karonga, “Ambuya Chiuta winu wasazgiyeko ŵanthu manyi ŵangaŵa unandi wauli, kusazgiyako ndi machumi pe chumi penipo maso gha mbuyangu karonga ghalereska; kweni chifukwa nchine mbuyangu karonga wakondwere ndi chinthu ichi?”

2 Samuele 24:3 ပူးပေါင်းရင်းမြစ်များ

2 Samuele 10:12

Khwima mtima, tiŵe ŵanthurumi pa khamu lidu, ndi pa msumba yaku Chiuta widu; Ambuya atichitiye cho nchakuŵakondweska.”

2 Samuele 24:4

Kweni mazu gha karonga ghangumuruska Yoabu ndi zinduna za nkhondo, viyo Yoabu ndi zinduna za nkhondo wangutuwa pa maso pa karonga kwachiŵerenga ŵaYisraele.

Sumu 115:14

Ambuya apaska imwe ŵana, imwe ndi mphapu yinu.

Nthanthi 14:28

Mu unandi ŵanthu mwe unkhankhuwa karonga, kweni kwambura ŵanthu mwana wa karonga wanangika.

Yesaya 60:5

Sono ŵakawonanga ndipo ukaŵalanga ndi chimwemwe mtima wako ukaziyanga ndi kujikuzga; chifukwa usambasi wa nyanja ukang'anamukiyanga kwaku iwe, usambasi wa mitundu ukazanga kwako.

Marangu 1:11

Mphanyi Ambuya Chiuta wa auskemwe wakwandaniskani chikwi kwakuruska mo mulili, ndi wamutumbikani nge ndimo wangupanganirana namwe.