2 Samuele 24:25 - Tonga Bible 1986

²⁵ Ndipo Davidi wanguzenga jochero la Ambuya, ndi kupereka mipasku yakocha ndi mipasku ya chimangu. Viyo Ambuya anguvwa kuŵeyere pa chifukwa cha charu, ndipo chideru chingukanizgika mu ŵaYisraele.

2 Samuele 24:25 ပူးပေါင်းရင်းမြစ်များ

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Chiyambo 22:9

Penipo wanguza pa malo ghenigho Chiuta wangumunene, Abrahamu wanguzengapo jochero penipa, ndipo wanguyalikapo nkhuni umampha-umampha, ndi wangumanga Yisaki mwana wake, ndi wangumularika pa jochero pa nkhuni pachanya.

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

2 Samuele 21:14

Ndipo wanguŵika viwanga vyaku Sauli ndimwana wake Jonafani mu charu cha Benjamini mu Zela mu muunda waku Kishi awiske; ndi ŵanthu ŵanguchita vyose vyo karonga wangulangula. Ndipo pavuli paku ichi Chiuta wangutegherezga ku marombu gha kuchirombe charu.

2 Samuele 24:14

Penipo Davidi wangunena ndi Gadi, “Ndafinyikizgika ukongwa; mphanyi tawa waka mu janja la Ambuya, pakuti ngukuru ukongwa wezi wawo; kweni kuti ndiwe mu janja la munthu cha.”

1 ŴaKaronga 1:1

Sono karonga Davidi wangukota wenga ndi virimika vinandi ukongwa, ndipo chingana ŵangumuvwinkha ndi saru zinandi kuti wanguvwa chifundizi cha.

Ezekiele 16:42

Viyo ndikapumuzganga kukara kwangu, ndipo sanji yangu yikatuwangako kwako; ndijenge chisisi, kuti ndikakwiyanga so cha.

Maŵerengedu 17:13

Yose yo wandere kufupi, yo wandere ku chihema chakupaturika cha Ambuya, watufwa. Kumbi tose tikafwangadi?”

Ŵeruzgi 21:4

Ndipo ndi mlenji ŵanthu ŵangusoka kwakuchelera, ŵanguzenga jochero penipa, ŵangupereka mipasku yakocha ndi mipasku ya chimangu.

Ŵeruzgi 6:24

Sono Gideoni wanguzenga jochero penipa ku Ambuya, ndipo wangulidana, Ambuya nchimangu. Mpaka ku zuŵa line leche kuma pa Ofra, yo ngwa ŵa Abiezeri.

1 Samuele 13:9

Sono Sauli wanguti, “Nditoriyeni sembe yakocha, ndi mpasku wa chimangu.” Ndipo wangupereka sembe yakocha.

1 Samuele 14:35

Sauli wanguzenga jochero la Ambuya; ili lenga jochero lake lakudanga kuzenge Ambuya.

1 Samuele 7:17

Pavuli wanguwere ku Rama, pakuti nyumba yake yenga kweniko, ndipo ndikwenikuwa so ko waperekiyanga cheruzgu ku ŵaYisraele. Ndipo wanguzengako jochero la sembe la Ambuya.

1 Samuele 7:9

Viyo Samuele wanguto kamberere kakonkha kukapereka nge ndi mpasku wose wakocha ku Ambuya, ndipo Samuele wanguliliya ku Ambuya pa ŵaYisraele, ndipo Ambuya angumwamuka.