2 Samuele 24:17 - Tonga Bible 1986

¹⁷ Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

2 Samuele 24:17 ပူးပေါင်းရင်းမြစ်များ

Chiyambo 18:23

Sono Abrahamu wangundere pafupi, ndi wanguti, “Kumbi mukaparghang'anga nadi ŵarunji pamoza ndi ŵaheni?

Chiyambo 44:33

Viyo, sono, nditumuŵeyani, zomerani kuti Ine mteŵeti winu ndije nge ndi muŵanda winu, mbuya wangu, mu malo gha mhurwa uyu, ndipo zomerani kuti mhurwa uyu wawere vuli pamoza ndi ŵana ŵanyake.

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

2 Samuele 24:10

Kweni mtima waku Davidi ungulasika pavuli pakuŵerenga ŵanthu. Ndipo Davidi wanguti ku Ambuya, “Ndalakwa ukongwa mwaku ichi ndachita. Kweni sono Ambuya ndimupemphani, tuzgani uheni waku ndamteŵeti winu; pakuti ndachita kwakupusa ukongwa.”

2 Samuele 7:8

Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

1 ŴaKaronga 22:17

Mikaya wanguti, “Ndinguwona ŵaYisraele wose ŵajaka balali mu mapiri, nge ndi mberere zambura muliska; ndipo Ambuya anguti, ‘Aŵa ŵalivi mbuyawo; we yose wawere ku nyumba yake mu chimangu.’ ”

Jobu 42:6

chifukwa ichi nditijisuska, ndipo ndajiwezga mu fuvu ndi mu choto.”

Jobu 7:20

Asani ndinanga ndichitenji kwaku imwe, mwaŵalonda ŵa ŵanthu? Kumbi chifukwa nchine mwandichita nge nchizindikiro chinu? Kumbi chifukwa nchine ndaŵa mphingu yizitu kwaku imwe?

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Sumu 44:11

Mwatipereka nge ndi mberere zakubayika, ndipo mwatimbininiskiya mukati mu mitundu,

Sumu 74:1

A Chiuta, mwatijowoliyanji viyo muyaya? Kasunkhiyanji kandundu kinu pa mberere za uliska winu?

Sumu 78:71

angumuto ko waliskanga mberere za ŵana. Angumchita kuŵa karonga paku Yisraele, mliska wa ŵanthu ŵaku Chiuta.

Chituwa 10:16

Sono Farao wangudana Mosese ndi Aroni kwaruŵiruŵi, ndi wanguti, “Ndalakwiya Ambuya Chiuta winu, ndi imwe so.

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Yona 1:12

Ndipo wanguti kwaku iwo, “Ndinyamuweni, ndipo ndipong'eni mu nyanja; viyo nyanja yimuŵiyeninge bata; chifukwa ndiziŵa kuti nchifukwa changu leka lirondo ili lamuwiyani.”

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”