2 Samuele 24:16 - Tonga Bible 1986

¹⁶ Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

2 Samuele 24:16 ပူးပေါင်းရင်းမြစ်များ

Chiyambo 10:16

ndi ŵaYebusi, ŵaAmori, ŵaGirgashi,

Chiyambo 6:6

Ndipo Ambuya ŵenga ndi chitima kuti anguchita munthu mu charu, ndipo chinguŵakalariska mu mtima wawo.

2 Samuele 24:18

Ndipo zuŵa liya Gadi wanguza kwaku Davidi, wanguti, “Kwerani mukazenge jochero la sembe Ambuya pa mbuli waku Arauna muYebusi.”

2 Samuele 5:8

Ndipo Davidi wanguti pa zuŵa liya, “Yose yo wangapuma ŵaYebusi, wakwere mu mpopi wa maji ŵakupunduka ndi ŵachuburumutiya, ŵakutinkhika ndi mzimu waku Davidi.” Mu chifukwa ichi kukambika, “Ŵachimburumutiya ndi ŵakupunduka kuti ŵakazanga mu nyumba cha.”

1 ŴaKaronga 19:4

Kweni iyo wangwenda lwendo la zuŵa limoza mu bozwa, wanguza ndi wanguja pasi musina mu kamuti ka mweyo; ndipo wangupempha kuti mphanyi wangufwa, wakuti “Mbwenu kwafiskika sono, Ambuya mwe, toni umoyo wangu; pakuti kuti nde wamamphaku cha kuruska ŵada.”

2 ŴaKaronga 19:35

Ndipo usiku weniwuwa mungelo wa Ambuya wanguruta ndipo wangubaya vikwi machumi pe chumi pachanya machumi ghankhonde ndi ghatatu ndi vinkhonde mu ugoŵi wa ŵaAsiriya; ndipo ŵanthu ŵanguti ŵayuka ndi mlenji-lenji, ehe, yaŵa wose ŵenga viŵanda.

1 Mikoka 1:14

ndi ŵaYebusi, ŵaAmori, ŵaGirgashi,

2 Mikoka 3:1

Solomoni wangwamba kuzenga nyumba ya Ambuya mu Yerusalemu pa phiri Moria, kweniko Ambuya anguwoneke Davidi wiske, pa malo ghenigho Davidi wangulongosole mbuli waku Orani mu Yebusi.

2 Mikoka 32:21

Ndipo Ambuya angutuma mungelo yo wangukoso wose ŵara ndi ŵachirongozgi mu nkhondo ya karonga wa Asiriya. Viyo wanguwe ndi soni kuruta ku charu chake. Ndipo wanguti wafika ndikusere mu nyumba yaku chiuta wake, ŵanyake ŵa ŵana ŵake ŵangumubaya ndi lipanga.

Sumu 135:14

Ambuya akachitiyanga lisungu ŵanthu ŵawo; ajarikenge ŵaŵanda ŵawo muwanangwa.

Sumu 35:6

Nthowa yawo yiŵe mdima ndi yakuteremuka, mungelo wa Ambuya waŵandondoloske!

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Sumu 90:13

Mpaka zuŵanji? Weni, Ambuya mwe! Chitiyani lisungu ŵateŵeti ŵinu.

Chituwa 12:13

Ndopa zikaŵanga chisimikizgu kwaku imwe, pa nyumba zo mulimo; ndipo ndichiwona ndopa, ndikajumphangapo pinu, ndipo palivi chideru cho chikaŵanga pinu kumunangani, penipo ndikakosonga charu cha Egipiti.

Chituwa 12:23

Pakuti Ambuya akaporotangamo kubaya ŵaEgipiti; ndipo ŵachizamuwona ndopa pa mugoro ndi pa nchindamiru ziŵi zapa khomo, Ambuya azamujumphapo pa khomo, ndipo kuti ŵakazomerezganga wakubaya yo kusere mu nyumba zinu cha kwachikubayani.

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Chituwa 9:28

Ŵeyereni Ambuya, pakuti kwaŵa kudiririska ndi vuwa ya matalala vyo vyaŵapo vinandi mbwenu; ndikakuzomerezganinga kuruta ndipo mukajanga so muno cha.”

Yesaya 27:8

Mweso pa mweso, ndi umkoli mungulimbana nawo; wanguŵanderezga ndi ukari wake wakofya mu zuŵa la mphepo yaku vuma.

Yesaya 57:16

Pakuti kuti ndikakwiyanga Muyaya cha, chingana nkhuti ndikakaripanga nyengo zose cha; pakuti kwangu ndiku kutuwa mzimu wo, ndipo ndine ndikulenga mvuchi waumoyo.

Yeremiya 26:19

“Kumbi Hezekiya karonga waku Yuda ndi ŵaYuda wose angumubaya? Kuti ŵangopa Ambuya cha ndi wanguŵeyerere lisungu la Ambuya, ndipo kuti Ambuya angugowoka cha ku chiheni chenicho wangutauliya paku wo? Kweni ifwe tikhumba kujidaniya uheni ukuru paku taŵeni.”

Yeremiya 42:10

asani mukajaririyanga mu charu ichi, iku ndikakuzenganinga, kumuguziyani pasi cha; ndikakupandaninga, ndipo kuti ndikuponthoninga cha; pakuti ndaweko ku uheni wo ndikumuchitiyani.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.

Zekariya 9:7

Ndituzgenge ndopa zake mu mlomo wake, ndi ukazuzi wake pakati pa minyu ghake; ndipo nayo waŵenge wakujako waku Chiuta widu; ndipo waŵenge nge ndi fuku mwaku Yuda; ndi Ekroni waŵenge nge ndi ŵaYebusi.

Marko 14:41

Ndipo watuza kachitatu, ndipo watiti, kwaku wo, “Kumbi mweche kura kuti mujipumuzge? Mbwenu sono, ora lo laza; Mwana wa munthu wapachirikiya mu manja gha ŵalakwi,

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

1 ŴaKorinte 10:10

Ndipo mungadinginikanga cha, nge ndimo ŵanyake ŵaku wo ŵangudinginikiya, ndipo ŵangumara ndi wakubaya yo.

2 ŴaKorinte 2:6

Ku munthu waviyo nchakwenere chilangu cho chaŵikika paku ndi urapasi wa mpingu wo;

Yoswa 15:63

Kweni ŵaYebusi, ŵakuja mu Yerusalemu, ŵanthu ŵaku Yuda kuti ŵangukhumba kuŵadikiska cha; viyo ŵaYebusi ŵanguja pamoza ndi ŵaYuda mu Yerusalemu kufika ku zuŵa lino.

Ŵeruzgi 1:21

Kweni ŵanthu ŵaku Benjamini kuti ŵanguŵadikiskamo cha ŵaYebusi wo ŵajanga mu Yerusalemu; viyo ŵaYebusi ŵanguja pamoza ndi ŵanthu ŵaku Benjamini mu Yerusalemu mpaka zuŵa lino.

Ŵeruzgi 19:11

Po ŵanguŵandika ku Yebusi lumwi linguruta, ndipo mteŵeti wanguti ku mbuyake “Tiyeni, tipatukiye ku msumba uwu wa ŵaYebusi tigone mwenumu.”

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.